By Kyaw Zaw Oo
စစ်တွေ ၊ ၂၁ စက်တင်ဘာ ၂၀၁၃ ၊ Coral Arakan News ၊ [ op-ed ]
# လာမည့် စက်လင်ဘာ (၂၉) ရက်နေ့တွင် ရန်ကုန် IBC ခန်းမ ၌ ရခိုင်လူထု ကိုယ်စားပြု ခေါင်းဆောင်များ နှင့် လွှတ်တော် ဥက္ကဌ ဦးရွှေမန်း က တွေ့ဆုံကာ ရခိုင်ပြည်နယ် တိုးတက်ဖွံ့ဖြိုးရေး၊ လျှပ်စစ်ကဏ္ဍ နှင့် လူငယ်ကဏ္ဍများကို ဆွေးနွေးသွားမည် ဆိုရာ ကြိုဆိုလိုက်ရပါသည်။
# သို့သော် ပြည်ထောင်စုအဆင့် ခေါင်းဆောင်တစ်ဦးနှင့် တွေ့ဆုံဆွေးနွေးရာတွင် ရခိုင်လူထု ကိုယ်စားပြုမည့် ကိုယ်စားလှယ်များကို မည်ကဲ့သို့ ရွေးချယ် စေလွှတ်ခြင်းဖြစ်ပါသနည်း ဆိုသော မေးခွန်း တစ်ခု ရှိလာပါသည်။
# (၁၇) မြို့နယ်မှ ကိုယ်စားလှယ်များ ရရန်အတွက် ရန်ကုန်အခြေစိုက် ရခိုင်သဟာယအသင်း က ရန်ကုန်ရှိ သက်ဆိုင်ရာ မြို့နယ်သာရေးနာရေးအသင်းများက တစ်ဆင့် ဆက်သွယ်ပြီး မြို့နယ်အသီးသီးက ရွေးချယ်ခိုင်း လိုက်ပါသည် ဟု ဆိုပါသည်။ စစ်တွေမှအပသော အခြားရခိုင်မြို့များတွင် သက်ဆိုင်ရာမြို့များ၏ အစီအစဉ်အတိုင်း ရွေးချယ်ကြပါလိမ့်မည်။ ယခု မိမိ ပြောလိုသည့် အကြောင်းအရာက စစ်တွေကိစ္စ ဖြစ်လေသည်။
# စစ်တွေလူထုကိုယ်စားလှယ် သုံးဦးကို မည်ကဲ့သို့ရွေးချယ်ခဲ့ပါသနည်း ဟု ဆရာဦးသန်းထွန်းကို ဖုန်းဆက် မေးမြန်းသောအခါ ၄င်း နှင့် ဦးသာပွင့်ကို ဦးရွှေမန်းက by name နှင့် ခေါ်ထားခြင်းဖြစ်သည့်အတွက် မဖြစ်မနေ ကိုယ်စားပြုသွားရတော့မည် ဖြစ်ကာ၊ ၄င်းတို့နှစ်ဦးကပင် စစ်တွေအခြေစိုက် လုပ်ငန်းရှင်တစ်ဦးဖြစ်သော ဦးရွှေထွန်းအောင်အား တတိယမြောက် ကိုယ်စားလှယ်အဖြစ်ရွေးချယ်ထားသည် ဟု ဆိုပါသည်။ သို့ဖြစ်လျှင် ဆရာတို့မှာ စစ်တွေလူထု ကိုယ်စားလှယ်များဟု မှတ်ယူနိုင်ပါမည်လား ဟု မိမိက မေးခွန်းထုတ်ခဲ့ရပါသည်။
# ရပ်ရွာအကျိုးကို ရပ်ရွာကိုယ်စားပြုပြီး ရင်ဆိုင်ပြောဆိုနေသူများကို ကျေးဇူးတင်ရှိပါသည်။ ရပ်ရွာအကျိုးကို ရပ်ရွာကိုယ်စားပြုပြီး ရင်ဆိုင်ပြောဆိုနေသူများသည် လူထုခေါင်းဆောင် နိုင်ငံရေးသမားများ ဟု သတ်မှတ်နိုင်ပါသည်။ ထိုသို့သော လူထုခေါင်းဆောင် နိုင်ငံရေးသမားများသည် တရားဝင်ဖြစ်မှု သဘောတရား (legitimacy) ၊ ကိုယ်စားပြုမှုသဘောတရား (Representation) ၊ လွှဲအပ်လုပ်ပိုင်ခွင့်ပေးသော အခွင့်အာဏာ (mandate) စသည်တို့ကို ကောင်းစွာ နားလည် သဘောပေါက်လျှင် အလုပ်လုပ်ရာ၌ ပိုမိုခွန်အားရှိပါသည်။
# ကိုယ်စားပြုနိုင်သော မိမိ၏ပုဂ္ဂလိက စွမ်းပကား ရှိနေပါသော်ငြားလည်း လူထု၏ကိုယ်စားပြုမှုမရှိလျှင် လုပ်ရပ်ဆောင်ရွက်ချက်၏ သက်ရောက်မှုအားနည်းသွားနိုင်ပါသည်။ အမှန်တကယ် ကိုယ်စားပြုသူများဖြစ်ပါက လုပ်ရပ်များသည် ပိုမိုအားရှိနိုင်ပါသည်။
# ဆရာဦးသန်းထွန်းမှာ မိမိအား ငယ်စဉ်က စာသင်ခဲ့သော ဆရာဖြစ်သည့်အပြင်၊ မိမိတို့ရင်ဆိုင်နေရသော ငြိမ်း/စီ ပုဒ်မ-၁၈ အမှုအတွက် မိမိနှင့်တွဲဖက်တရားခံဖြစ်သူ ဒေါ်ညိုအေးက ထည့်သွင်းထားသည့် တရားခံပြ သက်သေတစ်ဦး ဖြစ်ပါသည်။ လာမည့် စက်တင်ဘာ (၂၄) ရက်နေ့ ရုံးချိန်းတွင် ဆရာဦးသန်းထွန်းက ထွက်ဆိုချက်ပေးရ ဦးမည် ဖြစ်ပါသည်။
# ဥပဒေပညာရှင် ဦးသာပွင့် ဆိုသည့် ပုဂ္ဂိုလ်မှာလည်း ရှေ့နေမငှားဘဲ ရင်ဆိုင်နေသော မိမိတို့အမှုအတွက် အစဉ်အမြဲ စေတနာဖြင့် အကြံပေးနေသူ ဖြစ်ပါသည်။ ပုဂ္ဂိုလ်ရေး သဘောဖြင့် မိမိက နစ်နာအောင် ပြောရမည့် သူ မဟုတ်ပါ။
# သို့ရာတွင် မပြောမဖြစ်သည့် အခြအနေကိုရောက်နေပြီ ဟု ထင်မြင်သောကြောင့် ၀င်ပြောရခြင်း ဖြစ်ပါသည်။ ပြောရသည်ကိုလည်း အားနာပါသည်။ ထို့အပြင် နောက်ထပ်ပြောရန် ကျန်ပါသေးသည်။ စစ်တွေ မြို့မိမြို့ဖများအဖွဲ့ဆိုသည့် ကိစ္စဖြစ်ပါသည်။
# ဟိုးယခင်က ဈေးမိဈေးဖ အမည်ခံအဖွဲ့များသည် ဈေးအကျိုးတော်ဆောင်အဖွဲ့များ ဖြစ်ကုန်ကြပြီ။ ဟိုစဉ်ယခင် စစ်တိုင်းမှူးများ ဓါးမိုးအုပ်ချုပ်စဉ်ကာလ စစ်ထောက်လှမ်းရေးများ ဓါးထက်စဉ်ကာလက၊ တိုင်းမှူးတွေက ပိုက်ဆံအလှူထည့်ပါဟု ပြောတိုင်း လက်မတွန့်ဘဲ အလှူထည့်နိုင်သူများကို မြို့မိမြို့ဖများ ဟု အာဏာပိုင်များက အမည်ကင်ပွန်းတပ်ပေးခဲ့သည်။ ယခုတိုင် ထိုအမည်က မပြောင်းသေး။
# ခရိုနီမြို့မိမြို့ဖများနှင့် ပတ်သက်၍ စစ်တွေမြို့တွင် ဖြန့်စာ တစ်စောင် အတော်အသင့် ပျံ့နှံ့ ဖတ်ရှုရဖူးသည် ဟု ဆိုသည်။ မိမိကား မဖတ်ဖူး။ တစ်ဆင့်စကား ပြောကြားချက်များအရ သိရသည်က ထိုစာတွင် ရေးသားထားသည်မှာ စစ်တွေမြို့မိမြို့ဖအဖွဲ့တွင် ပါဝင်နေသူအချို့၏ နောက်ကြောင်းများကို ရေးသားထားသည် ဟု ဆိုသည်။ အချို့က မှောင်ခိုရာဇာ၊ အချို့က အာဏာပိုင်များနှင့် လက်ဝါးချင်းရိုက်ကာ လူထုကို ဂုတ်သွေးစုတ်သူ၊ မိသားစုရာပေါင်းများစွာ၏ ဘ၀ကို ပျက်စေခဲ့သူ၊ စသည်ဖြင့် စသည်ဖြင့် . . . . ။ မိမိကား ထိုစာကို မျက်မြင်ကိုယ်တွေ့ ဖတ်လိုက်ရခြင်း မရှိခဲ့။
# အဆိုပါ မြို့မိမြို့ဖအဖွဲ့သည် ပြောင်းလဲလာသော ခေတ်စနစ်နှင့် အညီ ရခိုင်ပြည်နယ်အတွင်း အရေးပေါ်အခြေအနေများကို တုံ့ပြန်ပြောဆိုလှုပ်ရှားနိုင်ခြင်းမရှိသောကြောင့် တိုးချဲ့ဖွဲ့စည်းရာတွင် ဦးသာပွင့် နှင့် ဦးသန်းထွန်း တို့ကဲ့သို့ ခေတ်ပညာတတ် လူလတ်တန်းစားအလွှာများ ပါဝင်လာလေသည်။ ၄င်းတို့သည် စွမ်းရည်စွမ်းပကားရှိသူများဖြစ်သည့်အလျောက် မြို့မိမြို့ဖအဖွဲ့ကို ကိုယ်စားပြုပြောဆိုနိုင်သော ပါးစပ်ပေါက်များဖြစ်လာသည်။ ၀မ်းသာစရာကောင်းသည်ကား အမှန်ပင်။ သို့ရာတွင် ၄င်းတို့မှာ လူထုကို ကိုယ်စားပြုသည့်တရားဝင် ကိုယ်စားပြုမှု မရှိသေး။ လူထု၏ အမိအဖ လည်း သေချာပေါက် ဟုတ်ကို မဟုတ်နိုင်။
# မိမိတို့လူ့အဖွဲ့အစည်း၏ အောက်ခြေအဆင့်များ၌ ဒီမိုကရက်တိုင်ဇေးရှင်းကို တဖြည်းဖြည်းပုံသွင်း လုပ်ဆောင်ယူရာတွင် မဖြစ်မနေလုပ်ဆောင်ရမည့် အချက်နှစ်ချက်ရှိလေသည်။ မြို့နယ်အုပ်ချုပ်ရေးမှူးများကို ပြည်ထဲရေးဝန်ကြီးဌာနက ခန့်ထားခြင်းပြုရမည့်အစား လူထုက ရွေးချယ်တင်မြှောက်သော မြို့ဝန်များ (elected mayors) ဖြင့် အစားထိုးရန်။ နောက်တစ်ချက်က လက်သင့်ရာစားတော်ခေါ်ကာ by name ဖြင့် ခန့်ထားသည့် မြို့မိမြို့ဖ အဖွဲ့ဆိုသည်၏ အစား၊ မြို့ဆိုင်ရာကောင်စီများ (city councils) များဖွဲ့စည်းကာ စည်ပင်သာယာရေး နှင့် အခြားသော ဒေသန္တရ ကိစ္စ အ၀၀တို့ကိုဆောင်ရွက်စေရန် ဖြစ်ပါသည်။ မြို့ဝန်ကိစ္စက ဖွဲ့စည်းအုပ်ချုပ်ပုံ အခြေခံဥပဒေကို ပြင်ဆင်ရမည်ဖြစ်၍ အလှမ်းဝေးနိုင်သော်လည်း၊ လူထုရွေးချယ်သော မြို့ကောင်စီကိုမူ နည်လမ်းတစ်ရပ်ရပ်ဖြင့် ရှာကြံတင်မြှောက်ဖွဲ့စည်းထားနိုင်ခြေရှိသည် ဟု ထင်မြင်မိသည်။ ထိုကဲ့သို့ ဖွဲ့စည်းထားပါက လုပ်ပိုင်ခွင့်အာဏာ မရှိသေးသော်လည်း ပြောရေးဆိုခွင့် တစ်ခုခုတော့ ရှိလာမှာကတော့ အမှန်ပင်ဖြစ်သည်။
# နောက်တစ်ချက်က လက်ရှိ အသွင်ပြောင်း အရပ်သားအစိုးရသည် လက်ပံတောင်းဖြိုခွင်းမှုအတွင်း ရဟန်းများကို မီးလောင်ဒဏ်ရာများစွာရအောင် တိုက်ခိုက်ခဲ့ပြီးနောက် မသက်ဆိုင်သူ သံဃာများကို ပင့်ဖိတ်တောင်းပန်တတ်သော အစိုးရဖြစ်သည်။ တိုက်ခိုက်ခံရသူ ရဟန်းများကို တောင်းပန်ခဲ့သည် ဟုကား မိမိ သိသလောက် မကြားမိသေးချေ။ ပရိယာယ်များလှပါပေသည်။
# သူရဦးရွှေမန်း နှင့် တွေ့ဆုံသောအခါ ရခိုင်ပြည်နယ်၏ လျှပ်စစ်ဓါတ်အား ကဏ္ဍနှင့် ရခိုင်ပြည်နယ် ဖွံ့ဖြိုး တိုးတက်ရေး ကဏ္ဍ တို့ကိုလည်း ဆွေးနွေးမည် ဟု ကြားသိရပါသည်။ ဤနေရာတွင် အခြေအနေများ၏ အကြောင်းအကျိုး ဆက်စပ်မှုကို သဘောပေါက်နိုင်က ပိုကောင်းပါသည်။ ရခိုင့်သယံဇာတ အကျိုးခံစားခွင့် ရရှိရေးကော်မီတီ က signature campaign လုပ်ကာ လှုပ်ရှားနေမှုများကြောင့် အချို့သော အခင်းအကျင်းများ လှုပ်ရှားလာသည် ဟု သဘောပေါက်ရန်လိုသည်။
# အထက်ပါတို့မှာ သတိမူရန်အချက်များဖြစ်ပါသည်။ နောက်ထပ် သတိမူစရာများ ရှိပါသေးသည်။ ရခိုင်လူမှုကွန်ရက် (စစ်တွေ) က တစ်မြို့လုံးနှင့် ဆိုင်သော ကိစ္စအချို့ကို ၀ိုင်းဝန်းဆုံးဖြတ် ဦးဆောင်မှုပေးခဲ့သည်ကို မမေ့သင့်ပါ။ ယခုမူ ကျောက်တော်မှ ကွန်ရက်ခေါင်းဆောင်များ စစ်တွေ ထောင်ထဲကို ရောက်နေကြပါပြီ။ ရခိုင်လူမှုကွန်ရက် (တောင်ကုတ်)၏ ခေါင်းဆောင် သုံးဦးလည်း သံတွဲထောင်ထဲ ရောက်နေပြီ။ စစ်တွေမှ မိမိ နှင့် ဒေါ်ညိုအေးတို့က ထောင်ဝင်ရန် အလှည့်စောင့်နေကြသည်။ ရသေ့တောင်မှ ရဲဘော်ရဲဘက် နှစ်ဦးလည်း ထိုနည်း နှင်နှင်ပင်။
# ဒီမိုကရက်တိုင်ဇေးရှင်းကို လူ့အဖွဲ့အစည်းအတွင်း သက်ဝင်အောင်လုပ်ဆောင်ရာတွင် ခြေလှမ်းများ အဆင့်များမှာ သေးငယ်သည်ဟူ၍မရှိ၊ လုပ်နိုင်သမျှလုပ်ဆောင်ကြဖို့ နှိုးဆော်ကြသည့်သဘော ဖြစ်ပါသည်။ လက်သင့်ရာ စားတော်ခေါ်နေကြောင်းစွပ်စွဲသည် ဟု မမြင်စေလိုပါ။
# ပြီးခဲ့သည့် နှစ်နှစ်တာကာလအတွင်း ဗဟိုအစိုးရ နှင့် ရခိုင်ပြည်နယ်အစိုးရတို့သည် အဆိုပါ “မြို့မိမြို့ဖ” အမည်ခံ အုပ်စုငယ်တစ်စုအား လာတိုင်း ရောက်တိုင်း ဆုံတိုင်း ကြုံတိုင် ခေါ်ယူတွေ့ဆုံကာ၊ လူထုကိုယ်စားလှယ်များ နှင့်တွေ့ဆုံဆွေးနွေးသည် ဟု အကြိမ်ကြိမ်အခါခါ သတင်းထုတ်ပြန်ခဲ့ဖူးလေပြီ။ ဘာတွေ ဆွေးနွေးလို့ ဘာတွေ သဘောတူလိုက်ကြမှန်း မသိကြရ။ ထိုသူများမှာ မိမိတို့ ကိုယ်စားလှယ်များ မဟုတ်ကြောင်း မပြောလိုက်ကြရ။ ရခိုင်လူထုကို ကိုယ်စားပြုသော ရခိုင်ပါတီနှစ်ပါတီကို အာဏာပိုင်များက အဖက်အလုပ်။ အဖက်လုပ်လျှင်လည်း အစည်းအဝေးများတွင် မြို့မိမြို့ဖ ဆိုတဲ့သူတွေ ရှေ့က လေးယောက်တက်၊ ပါတီတွေက တစ်ပါတီတစ်ယောက်တက် ဆိုတာမျိုး မဖွယ်မရာပြုမူလေသည်။ RNDP က ငါတို့လာတဲ့သုံးယောက်စလုံး ရှေ့တန်းတက်ထိုင်ပြီးပြောမယ်၊ မပြောရရင်ပြန်မယ် ဟု ပြောပြီး အမှန်တကယ် ထပြန်တော့မှ ကိစ္စပြတ်လေသည်။
# ပြတ်ပြတ်သားသား ပြောဆိုလုပ်ကိုင်တတ်သော နိုင်ငံရေးပါတီတို့ကို ကြောက်ရကား ပြည်နယ်အစိုးရ ဗဟိုအစိုးရ အရာရှိကြီးများသည် “မြို့မိမြို့ဖ” ဆိုသော အဖွဲ့တစ်ဖွဲ့ကို စစ်တွေမြို့တွင် တီတွင်ဖန်တီး ထားလေသည်။ ၄င်းတို့အားလိုသည့်အချိန်တွင် ခေါ်ယူတွေ့ဆုံကာ ငါတို့ လူထု ကိုယ်စားလှယ်တွေနဲ့တွေ့ပြီးပြီ ဟု ပြောတတ်ကြလေသည်။ အဆိုပါ လူထုကိုယ်စားလှယ် ဆိုသူကြီးများကလည်း သဘောခွေ့ မနောတွေ့နေရကား ပျော်မဆုံးမော်မဆုံးပေ။ မိုးမမြင် လေမမြင်ပေ။ အောက်ခြေကိုယ်စားပြုမှုရှိမရှိကိုလည်း သတိမရပေ။ ဆွေမျိုးမေ့သည် ဆိုသည့် စကားမှာ ဤသည်ကိုပင် ဆိုလိုပုံ ရချေသည်။
# နိဂုံးချုပ်အနေနဲ့ သူရဦးရွှေမန်းကို တစ်ခုမေးလိုက်ချင်ပါသေးသည်။ ယခုလို လူထုကိုယ်စားလှယ်တွေ ဆိုပြီး စကားပြောဖို့ လိုက်ရှာနေသည်မှာ ယခုတင်မြှောက်ထားသော အရပ်ရပ်လွှတ်တော် ကိုယ်စားလှယ်များကို လူထု ကိုယ်စားလှယ် ဟု မမှတ်ယူခြင်းလော ဆိုသည့်မေးခွန်းပင် ဖြစ်လေသည်။
( ကျော်ဇောဦး )
democracy for burma 
You must be logged in to post a comment.