Skip to content

#အမျိုးသား #ဒီမိုကရေစီအဖွဲ့ချုပ်ပါတီမှ ပြည်ထောင်စုရွေးကောက်ပွဲ ကော်မရှင်ထံ တင်ပြချက်နှင့် စပ်လျဉ်း၍ ရှင်းလင်းချက်●

November 6, 2015

● အမျိုးသား ဒီမိုကရေစီအဖွဲ့ချုပ်ပါတီမှ ပြည်ထောင်စုရွေးကောက်ပွဲ ကော်မရှင်ထံ တင်ပြချက်နှင့် စပ်လျဉ်း၍ ရှင်းလင်းချက်●
နိုင်ငံတော်သမ္မတ၏ ပြည်တွင်းခရီးစဉ်များတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဝင်များ ကြိုဆိုခြင်း၊ ကြွေးကြော်ခြင်းတို့အပေါ် ဖွဲ့စည်းပုံအခြေခံဥပဒေနှင့် ကိုက်ညီမှု မရှိကြောင်း လိုအပ်သလို ဆောင်ရွက်ပေးရန် အမျိုးသားဒီမိုကရေစီ အဖွဲ့ချုပ်ပါတီက ပြည်ထောင်စုရွေးကောက်ပွဲ ကော်မရှင်သို့ တင်ပြလာခဲ့ပါသည်။ ထိုတင်ပြချက်အပေါ် ပြည်ထောင်စုရွေးကောက်ပွဲ ကော်မရှင်က ပူးတွဲဖော်ပြပါ စာဖြင့် ပြန်ကြားလာခဲ့ပါသည်။
ထိုသို့ အထင်အမြင်လွဲမှား၍ ပြည်ထောင်စုရွေးကောက်ပွဲ ကော်မရှင်သို့ တင်ပြခဲ့ခြင်းအပေါ် များစွာ စိတ်မကောင်း ဖြစ်ရသလို ရွေးကောက်ပွဲ စည်းရုံးလှုပ်ရှားမှု အခြေအနေများအပေါ်တွင်လည်း စာနာ နားလည်မိပါသည်။
နိုင်ငံတော်သမ္မတသည် နိုင်ငံတော်အကြီးအကဲ၊ အစိုးရအဖွဲ့အကြီးအကဲ ဖြစ်သည့် အားလျော်စွာ နိုင်ငံတစ်ဝန်းလုံးရှိ နိုင်ငံသားအားလုံး၏ အရေးအရာ ကိစ္စရပ်များအတွက် တာဝန်ရှိသူ နိုင်ငံ့ခေါင်းဆောင်တစ်ဦး ဖြစ်ပါသည်။
နိုင်ငံတော်အတွင်း သဘာဝဘေးကျရောက်ရာ မည်သည့်နေရာဒေသမဆို လိုအပ်သော ကူညီကယ်ဆယ်ထောက်ပံ့မှုများ၊ ထူထောင်ရေးလုပ်ငန်းများ ဆောင်ရွက်ရသလို ဒေသအသီးသီး၏ ဖွံ့ဖြိုးတိုးတက်ရေးလုပ်ငန်းများ၊ ပြည်သူများ၏ လိုအပ်ချက်များကို အတတ်နိုင်ဆုံး ဖြည့်ဆည်းဆောင်ရွက်ရသလို နိုင်ငံတော်မှ ဆောင်ရွက်နေသော မူဝါဒများ၊ နိုင်ငံတော်စီမံကိန်းများနှင့် ဒေသဆိုင်ရာစီမံကိန်းများကို ပြည်သူများ နားလည်သဘောပေါက်စေရန် ရှင်းလင်းပြောကြားရန် တာဝန် ရှိပါသည်။
နိုင်ငံတော်သမ္မတသည် ဖြစ်နိုင်လျှင် ပြည်သူအားလုံးနှင့် ထိတွေ့ပြီး ပြည်သူတို့၏ ရင်ထဲမှ ခံစားချက်များ၊ လိုအပ်ချက်များ၊ ဆန္ဒသဘောထားများကို ကိုယ်တိုင် သိရှိနိုင်လျှင် ပိုမိုကောင်းမွန်မည် ဖြစ်ပါသည်။ သို့သော်လည်း အခြေအနေ အကြောင်းအရပ်ရပ်အရ နယ်စုံ၊ ဒေသစုံ သွားရောက်နိုင်ရန် ကန့်သတ်ချက် များစွာ ရှိသည့်အတွက် လိုအပ်ချက်အရလည်းကောင်း၊ အခြေအနေ အချိန်အခါအရလည်းကောင်း ခရီးစဉ်များ တတ်နိုင်သမျှ သွားရောက်၍ ပြည်သူများ အကျိုးကို ဖြည့်ဆည်းဆောင်ရွက်နိုင်ရန် ကြိုးပမ်းဆောင်ရွက်လျက် ရှိပါသည်။
ထိုသို့ သွားရောက်ရာတွင် တာဝန်အရ အစိုးရဌာနဆိုင်ရာများမှ ဝန်ထမ်းများ ခရီးဦး ကြိုဆိုမှုများ ရှိသလို ကျောင်းသား ကျောင်းသူများ၊ သာမန်ပြည်သူများ၊ နိုင်ငံရေးပါတီများမှ ပါတီဝင်များက ကြိုဆိုကြသည်မှာလည်း မိမိတို့နိုင်ငံ၏ နိုင်ငံတော်သမ္မတတစ်ဦးကို တွေ့လို၊ မြင်လို၊ နှုတ်ဆက်လို၍ စောင့်ဆိုင်းကြိုဆိုကြခြင်းသာ ဖြစ်ပါသည်။ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီတစ်ခုတည်းသာမက အခြားသော ပါတီများလည်း ကြိုဆိုနှုတ်ဆက်ခဲ့ကြောင်း ခရီးစဉ်မှတ်တမ်းများအရ သိရှိနိုင်မည် ဖြစ်ပါသည်။
ခရီးစဉ်များ သွားရောက်ရာ ဒေသများရှိ ပြည်သူများနှင့် တွေ့ဆုံရာတွင်လည်း အောက်ဖော်ပြပါ အကြောင်းအရာများကိုသာ ပြောကြားခဲ့ခြင်း ဖြစ်ပါသည်-
(၁) မိမိတို့ အစိုးရလက်ထက်တွင် ဤဒေသများ ဖွံ့ဖြိုးတိုးတက်ရေးအတွက် လမ်းပန်း ဆက်သွယ်မှု ကောင်းမွန်အောင်၊ မိုဘိုင်းဖုန်း ဆက်သွယ်ရေး ရရှိအောင်၊ လျှပ်စစ်မီး ရရှိအောင် ဆောင်ရွက်ပေးခဲ့ပြီးဖြစ်သည့်အတွက် အခြေခံကောင်းများ ရှိနေပြီဖြစ်ကြောင်း၊ ထိုအခြေခံကောင်းများကို အသုံးချပြီး မိမိတို့ဒေသ ဖွံ့ဖြိုးတိုးတက်ရေးအတွက် ဆက်လက် ဆောင်ရွက်ရန်၊ လူ့စွမ်းအားအရင်းအမြစ် ဖွံ့ဖြိုးတိုးတက်စေရန်နှင့် ပညာရေးကဏ္ဍ ဖွံ့ဖြိုး တိုးတက်စေရန်အတွက် ဆောင်ရွက်ရန် လိုအပ်ပါကြောင်း။
(၂) (ခရီးစဉ်ဒေသများတွင် ရေဘေးသင့်ဒေသများ ပါရှိခဲ့ပါက) ပြန်လည်ထူထောင်ရေး ဆောင်ရွက်နေမှု အခြေအနေများ၊ ဆက်လက်ဆောင်ရွက်ရန် လိုအပ်နေမှုများ၊ ပြည်သူများ တိုက်ရိုက်တင်ပြသော ဆန္ဒသဘောထားများကို ကြားနာ၍ ဖြည့်ဆည်းဆောင်ရွက်ပေးမှုများ ဆောင်ရွက်ပေးလျက် ရှိကြောင်း။
(၃) မိမိတို့အစိုးရတာဝန်ယူချိန်တွင် ပြည်သူ့ဆန္ဒနှစ်ရပ်ဖြစ်သည့် တည်ငြိမ်အေးချမ်းမှုနှင့် ဖွံ့ဖြိုး တိုးတက်မှုကို ဖော်ဆောင်နိုင်ရန် အတွက် နိုင်ငံရေး၊ စီးပွားရေး၊ အုပ်ချုပ်ရေးနှင့် ပုဂ္ဂလိက ကဏ္ဍဖွံ့ဖြိုးတိုးတက်ရေး စသည့် ပြုပြင်ပြောင်းလဲရေး လေးရပ်ကို အင်တိုက် အားတိုက် ဆောင်ရွက်ခဲ့ပါကြောင်း။
(၄) ထိုပြုပြင်ပြောင်းလဲရေး၏ ရလဒ်များကိုလည်း ပြည်သူများလက်တွေ့ ခံစားနေကြရပြီ ဖြစ်ကြောင်း၊ အောင်မြင်မှုများ ရရှိသကဲ့သို့ ဆက်လက်ဆောင်ရွက်ရမည့် လုပ်ငန်းများလည်း ကျန်ရှိနေကြောင်း၊ မည်သို့ပင်ဖြစ်စေ မိမိတို့နိုင်ငံ၏ ပြုပြင်ပြောင်းလဲမှု များကို တစ်ဆင့်ပြီး တစ်ဆင့် ဂရုပြုဆောင်ရွက်ခဲ့သည့်အတွက် အရှေ့အလယ်ပိုင်းမှ ဒီမိုကရေစီ အသွင်ကူးပြောင်းခဲ့သည့် နိုင်ငံများတွင် ရင်ဆိုင်နေရသည့် အကြမ်းဖက် တိုက်ခိုက်မှုများ၊ နိုင်ငံ ပြိုကွဲမည့် အခြေအနေများ၊ သိန်းနှင့်ချီသည့် ဒုက္ခသည် ပြဿနာများကို ရှောင်လွှဲနိုင်ခဲ့ကြောင်း၊ ဒီမိုကရေစီအသွင်ကူးပြောင်းရေးကို တည်ငြိမ်အေးချမ်းစွာအကောင် အထည်ဖော်နိုင်ခဲ့ခြင်းသည် နိုင်ငံနှင့် ပြည်သူများ၏ အောင်ပွဲပင် ဖြစ်ကြောင်း။
(၅) မိမိတို့ အသွင်ကူးပြောင်းရေး လုပ်ငန်းစဉ်များတွင် ဆက်လက်ဆောင်ရွက်ရမည့် လုပ်ငန်းများ ကျန်ရှိနေသော်လည်း မူလစတင်ခဲ့သည့် ၂၀၁၁ ခုနှစ်နှင့် နှိုင်းယှဉ်လျှင် အတိုင်းအတာ တစ်ခုအထိ ပြောင်းလဲတိုးတက်ခဲ့ပြီဆိုသည်ကို ပြည်သူများကရော၊ နိုင်ငံတကာကပါ အသိအမှတ်ပြုထားပြီး ဖြစ်ကြောင်း။
(၆) အနာဂတ်တွင် ဒ်ီမိုကရေစီ အသွင်ကူးပြောင်းရေးလုပ်ငန်းများကို တည်ငြိမ်အေးချမ်းစွာဖြင့် ဆက်လက် အကောင်အထည်ဖော်နိုင်ရန် အတွက် အားလုံးပူးပေါင်း ဆောင်ရွက်ရန် လိုကြောင်း၊ နိုဝင်ဘာ ၈ ရက်တွင် ကျင်းပမည့် အထွေထွေရွေးကောက်ပွဲများသည် မိမိတို့ နိုင်ငံအတွက် အရေးကြီးသည့် ရွေးကောက်ပွဲဖြစ်ကြောင်း၊ ပြည်သူများက စိတ်ဝင်စားသကဲ့သို့ နိုင်ငံတကာကလည်း အလေး ထားစောင့်ကြည့်နေကြောင်း၊ ယနေ့အချိန်တွင် နိုင်ငံတကာ အဖွဲ့အစည်းများက မိမိတို့နုိုင်ငံတွင် လွတ်လပ်ပြီး တရားမျှတ သည့် ရွေးကောက်ပွဲများ ကျင်းပရန် လုံလောက်သည့် ဒီမိုကရေစီ အတွေ့အကြုံများ မရှိဟု ယူဆပြီး အကဲခတ် အဖွဲ့များ စေလွှတ်လေ့လာလျက် ရှိပါကြောင်း။
(၇) ထို့ကြောင့် မိမိတို့နိုင်ငံတွင် လွတ်လပ်ပြီး တရားမျှတသည့် ရွေးကောက်ပွဲကို ကျင်းပ နိုင်ခြင်းသည် နိုင်ငံ၏ ဂုဏ်သိက္ခာပင်ဖြစ်ကြောင်း၊ မိမိတို့ အနေဖြင့် ဒီမို ကရေစီစနစ်အား မိမိတို့ စွမ်းအားဖြင့် ဖော်ဆောင်နိုင်စွမ်းရှိသည်ကို ရွေးကောက်ပွဲဖြင့် သက်သေပြရမည် ဖြစ်ကြောင်း၊ ထို့ကြောင့် မဲဆန္ဒရှင်ပြည်သူများ မိမိတို့၏ ဆန္ဒအတိုင်း လွတ်လပ်စွာ မဲပေးနုိုင်ရန်အတွက် တည်ငြိမ်အေးချမ်းမှုရှိအောင်၊ လုံခြုံမှုရှိအောင် အားလုံး ပူးပေါင်း ဆောင်ရွက်ရမည်ဖြစ်ကြောင်း။
သို့ဖြစ်ပါ၍ နိုင်ငံတစ်ဝှမ်း အခါအားလျော်စွာ သွားရောက်လျက် ရှိသည့် နိုင်ငံတော်သမ္မတ၏ ခရီးစဉ်များနှင့် ပတ်သက်၍ အထင်အမြင် လွဲမှားမှု မရှိစေရန်၊ နားလည်သဘောပေါက်စေရန် ရှင်းလင်းအပ်ပါသည်။

12193505_920392978008439_3892674016167398171_n12065752_920392991341771_3765843194612580456_n

No comments yet

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: