#မြန်မာရွှေ့ပြောင်းလုပ်သားများအား မြန်မာသံရုံးများက လုံလောက်သော အကာအကွယ်များပေးရန် #လိုအပ်ကြောင်း ရခိုင်အမျိုးသားပါတီ ၏ ထုတ်ပြန်ကြေငြာချက်

မြန်မာရွှေ့ပြောင်းလုပ်သားများအား မြန်မာသံရုံးများက လုံလောက်သော အကာအကွယ်များပေးရန်
လိုအပ်ကြောင်း ရခိုင်အမျိုးသားပါတီ ၏ ထုတ်ပြန်ကြေငြာချက်
==================

ရခိုင်အမျိုးသားပါတီ ထုတ်ပြန်ကြေငြာချက် အမှတ် (၃∕၂၀၁၄)

နေ့စွဲ – ၁၂ အောက်တိုဘာလ ၂၀၁၄

၁။ စက်တင်ဘာလ (၁၄) ရက်နေ့က ထိုင်းနိုင်ငံ ခိုထောင်ကျွန်းတွင် ဗြိတိန်စုံတွဲအသတ်ခံရမှုဖြင့် စွပ်စွဲကာ ထိုင်းနိုင်ငံ ကော့စမွီထောင်တွင် အဖမ်းခံထားရသော မြန်မာနိုင်ငံသားနှစ်ဦး အရေးနှင့်ပတ်သက်၍ မြန်မာအစိုးရ နှင့် ထိုင်းနိုင်ငံဆိုင်ရာ မြန်မာသံရုံးတို့က ဆောင်ရွက်နေကြခြင်းအပေါ် ရခိုင်အမျိုးသားပါတီက စဉ်ဆက်မပြတ်စောင့်ကြည့်ပြီး မိမိတို့ပါဝင်နိုင်သည့် အခန်းကဏ္ဍများမှ ပါဝင်ဆောင်ရွက်သွားမည် ဖြစ်သည်။

၂။ ခိုထောင်ကျွန်းမှာ ထိုင်းလူဆိုးဂိုဏ်းများ ကျက်စားသည့်နေရာဖြစ်ခြင်း၊ ထိုင်းရဲတပ်ဖွဲ့နှင့် စကားပြန်တို့၏ ထိုးကြိတ်ရိုက်နှုက်စစ်ဆေးမှုကြောင့် ပြစ်မှုကျူးလွန်ခြင်းမရှိပါဘဲလျက် ကျူးလွန်သည် ဟု ထွက်ဆိုရခြင်းဖြစ်ကြောင်း အကျဉ်းခံနှစ်ဦး၏ ပြောကြားချက်၊ သက်သေခံဖုန်းမှာ ထိုင်းရဲများစွပ်စွဲသကဲ့သို့ သံသယတရားခံများ၏ အခန်းအနီးတွင် တွေ့ရှိခြင်း မဖြစ်နိုင်ခြင်း၊ ဒီအန်အေ စစ်ဆေးချက်များကို မှုခင်းဆရာဝန်ကြီးက လက်ခံမှုမရှိခြင်း၊ ထိုင်းဥပဒေအရာရှိကိုယ်တိုင်က ထိုင်းရဲများ၏ တရားစွဲရန် တင်ပြမှုကို ခိုင်လုံမှုမရှိ ဟု ယူဆခြင်း အစရှိသည့် လစ်ဟာမှုများကို တွေ့မြင်နေရရာ၊ မြန်မာနိုင်ငံသား ရွှေ့ပြောင်းလုပ်သားနှစ်ဦးမှာ အပြစ်မရှိပါဘဲလျက် ဓားစာခံအဖြစ် ထိုးကျွေးခံရခြင်းဖြစ်မည်ကို ကျွန်ုပ်တို့က များစွာ စိုးရိမ်လျက်ရှိသည်။

၃။ ယခုခိုထောင်ကျွန်းတွင် ဖမ်းဆီးခံရသည့် သံသယတရားခံ မြန်မာနိုင်ငံသားနှစ်ဦးမှာ ရွှေ့ပြောင်း လုပ်သားများ ဖြစ်နေသည့် အတွက် ဓားစာခံအဖြစ် မတရားထိုးကျွေးခံရခြင်း မဖြစ်ရလေအောင် တည့်မတ်သော တရားဥပဒေ ၏ အရိပ်အောက်တွင် ရသင့်ရထိုက်သော အခွင့်အရေးများရရှိစေအောင် မြန်မာအစိုးရ နှင့် သက်ဆိုင်ရာ မြန်မာသံရုံးတို့က နီးနီးကပ်ကပ် စောင့်ကြည့်ကာ လိုအပ်သည့် ကာကွယ်စောင့်ရှောက်မှုများ ရရှိနိုင်အောင် ဖိဖိစီးစီး ၀ိုင်းဝန်းလုပ်ဆောင်ပေးကြရန် လိုအပ်သည်။

၎။ ယခုလက်ရှိအချိန်အထိ ထိုအစွပ်စွဲခံရသူနှစ်ဦးအရေးတွင် ပါဝင်ကူညီဆောင်ရွက်ပေးနေကြသည့် မြန်မာအစိုးရ နှင့် သက်ဆိုင်ရာ တာဝန်ရှိသူများ၊ လူမှုအသင်းအဖွဲ့များအား ရခိုင်အမျိုးသားပါတီက ကျေးဇူးတင်ရှိသည်။ ထိုမြန်မာနိုင်ငံသား နှစ်ဦးမှာ ရခိုင်အမျိုးသားများဖြစ်နေသည့်အတွက် ရခိုင်အမျိုးသားပါတီက တစ်ဖက်သတ် ဘက်လိုက်ကာ အဆောတလျင် ပြောဆိုနေသည့်သဘော မဖြစ်လေရအောင်၊ ရခိုင်အမျိုးသားပါတီသည် အခြေအနေကို သေချာစေ့ငုစွာ လေ့လာပြီး စောင့်ကြည့်လျက်ရှိသည်။ ထိုပုဂ္ဂိုလ်နှစ်ဦးအရေးတွင် ပါဝင်ကူညီနိုင်ရန်အတွက် အခြားသော ပြည်တွင်းပြည်ပ အဖွဲ့အစည်းများနှင့် ရခိုင်အမျိုးသား ပါတီက ဆက်သွယ် လက်တွဲဆောင်ရွက်သွားမည် ဖြစ်သည်။

၅။ ထိုင်းနိုင်ငံမှာသာမက အခြားသော နိုင်ငံတကာရောက် မြန်မာရွှေ့ပြောင်းလုပ်သားများသည်လည်း ပြဿနာများ ရင်ဆိုင်ကြုံတွေ့နေကြရလျက်ရှိရာ၊ မြန်မာအစိုးရ နှင့် မြန်မာသံရုံးများအနေဖြင့် နိုင်ငံတကာရောက် မြန်မာနိုင်ငံသားများအား ထိထိရောက်ရောက် ကူညီခြင်း ကာကွယ်ခြင်းများကို ဆောင်ရွက်ပေးရန် လိုအပ်ကြောင်း ရခိုင်အမျိုးသားပါတီက အသိပေးတိုက်တွန်းသည်။

ဗဟိုအလုပ်အမှုဆောင်ကော်မီတီ
ရခိုင်အမျိုးသားပါတီ R. CORAL ARAKAN NEWS