U YE HTUT : နိုဝင်ဘာ ၂၅ ရက်နေ့ထုတ် Messenger Journal မှာပါတဲ့ ကျွန်တော်နဲ့ တွေ့ဆုံမေးမြန်းခန်းထဲမှ မိတ်ဆွေများသိချင်မယ်ထင်တဲ့ မေးခွန်းနဲ့ အဖြေများကို ကောက်နှုတ်တင်ပြပေးလိုက်ပါတယ်။ မူရင်းတွေ့ဆုံမေးမြန်းမှုက စာမျက်နှာ သုံးမျက်နှာကျော်ရှိလို့ အပြည့်အစုံ မတင်ပေးနိုင်တာကို ခွင့်လွှတ်ပေးပါ။

နိုဝင်ဘာ ၂၅ ရက်နေ့ထုတ် Messenger Journal မှာပါတဲ့ ကျွန်တော်နဲ့ တွေ့ဆုံမေးမြန်းခန်းထဲမှ မိတ်ဆွေများသိချင်မယ်ထင်တဲ့ မေးခွန်းနဲ့ အဖြေများကို ကောက်နှုတ်တင်ပြပေးလိုက်ပါတယ်။ မူရင်းတွေ့ဆုံမေးမြန်းမှုက စာမျက်နှာ သုံးမျက်နှာကျော်ရှိလို့ အပြည့်အစုံ မတင်ပေးနိုင်တာကို ခွင့်လွှတ်ပေးပါ။
—————————————————————————————–

U YE HTUT
လက်ရှိ ပြုပြင်ပြောင်းလဲရေးအပေါ်မှာ သမ္မတကြီးအနေနဲ့ ကျေနပ်အားရမှု ရှိသလားဆိုတာကို သမ္မတရဲ့ ပြောရေးဆိုခွင့်ရှိသူ တစ်ယောက်အနေနဲ့ သုံးသပ်ပေးပါဦး။

နိုင်ငံတော်သမ္မတကြီးအနေနဲ့ကတော့ ကျွန်တော်တို့ ချထားတဲ့ မူဝါဒပေါ့။ ပြုပြင်ပြောင်းလဲရေးမူဝါဒသည် မှန်ကန်တဲ့လမ်းကြောင်းပေါ်မှာရှိတဲ့အတွက် အားရတယ်။

နှစ်ကတော့ နိုင်ငံတကာအသိုင်းအ၀ိုင်းက အသိ အမှတ်ပြုမှုနဲ့ ပူးပေါင်းဆောင်ရွက်မှုကို အားရတယ်။

ဒါပေမယ့် သူ့အနေနဲ့ပြောရရင်တော့ ကျွန်တော်တို့ သည် အကောင်အထည်ဖော်တဲ့အခါမှာ ကျွန်တော်တို့ရဲ့ တချို့ဌာနတွေမှာ ရှိနေတဲ့သူတွေရဲ့ အတတ်ပညာ ပိုင်းဆိုင်ရာ အားနည်းမှု၊ နောက်တစ်ခုက ဘယ်လိုလုပ်ရမယ်ဆိုတာ အသေအချာမသိတဲ့အတွက် အောက် ခြေပြည်သူတွေအထိ ရလဒ်တွေရောက်အောင် မြန်မြန်မပို့နိုင်ဘူး။ ပြုပြင်ပြောင်းလဲရေးတွေ မရောက်နိုင်တဲ့ အပေါ်မှာတော့ သမ္မတကြီးအနေနဲ့ အားမရဘူး။

ဒီထက်ပိုပြီးတော့ သမ္မတကြီးအနေနဲ့ စိတ်မကောင်းဖြစ် တာကတော့ ကောင်းတဲ့လမ်းကြောင်းလည်းသွားနေတယ်။ နိုင်ငံတကာကလည်း မှန်ကန်တဲ့ ဘက်ကို ရွေ့နေပြီဆိုတာကို အသိအမှတ်ပြုထားတဲ့ လုပ်ငန်းစဉ်အပေါ်မှာ ဘုံသဘောတူညီချက်နဲ့ ပူးပေါင်းဆောင် ရွက်မှု အားနည်းနေတာရှိတယ်။ တချို့ကြတော့ တိုင်းပြည်အတွက် ကောင်းမယ့်ကိစ္စပေါ့နော်။ ဒါပေမယ့် စိန်ခေါ်မှုကတော့ ရှိတယ်။

အဲဒီမှာ ပူးပေါင်းဆောင်ရွက်ရမယ့်အစား နိုင်ငံရေးအကျိုးကြောင့်သော်လည်း ကောင်း၊ စီးပွားရေးအကျိုးကြောင့်သော်လည်းကောင်း၊ အဲဒီလို Interests တွေကို အကြောင်းပြုပြီးတော့မှ လှုပ်ရှားမှုတွေ အားနည်းသွားအောင်၊ အကောင်အထည်ဖော်နေတဲ့ လူတွေမှာ အနှောင့်အယှက်ဖြစ်အောင် လုပ်တာမျိုးတွေ အပေါ်မှာတော့ စိတ်မကောင်းဖြစ်တယ်။ စိုးရိမ်တာပေါ့။ ဒါကတော့ရှိပါတယ်။
——————————————————————————————–
ပူးပေါင်းဆောင်ရွက်မှုမှာ အားနည်းအောင် နိုင်ငံရေးအရ ဒါမှမဟုတ် စီးပွားရေးအရ တွန့်ဆုတ်သွာေးအာင် လုပ်တယ်ဆိုတာ ဘယ်သူ့ကို ရည်ညွှန်းချင်တာလဲ။
လူပုဂ္ဂိုလ်လား၊ အဖွဲ့အစည်းလား။ ဘယ်လိုအကြောင်း အရာတွေလဲ။

အဖွဲ့အစည်းရှိတယ်။ ပုဂ္ဂိုလ်တွေရှိတယ်ပေါ့ဗျာ။ ဆိုလိုတာက ကျွန်တော်တို့သွားနေတဲ့ သမ္မတကြီးပြောတဲ့ လမ်းကြောင်းဟာ မတူကွဲပြားတာတွေရှိတယ်။ သို့သော် မတူကွဲပြားပေမယ့် တူတာတွေလည်းရှိတယ်။ ကိုယ့်တိုင်းပြည်ကို ဘယ်သူမဆို တိုးတက်တာ မြင်ချင်တယ်။ တည်ငြိမ်အေးချမ်းတာမြင်ချင်တယ်။

အဲဒီ တော့ အကြောင်းကြောင်းကြောင့် ကျွန်တော်တို့က နိုင်ငံတော်အုပ်ချုပ်မှုပိုင်း တာဝန်ယူထားတဲ့အခါမှာ ကျွန်တော်တို့ရဲ့လုပ်တဲ့ လုပ်ဆောင်ချက်တွေဟာ နိုင်ငံတော်ရဲ့ ဖွံ့ဖြိုးတိုးတက်မှု၊ တည်ငြိမ်အေးချမ်းမှုကို အထောက်အကူဖြစ်စေတယ်ဆိုရင် အားလုံးပူးပေါင်းဆောင်ရွက်သင့်တာပေါ့။

တချို့ကြတော့ ဒါကို ထောက်ခံလိုက်ရင် ဒီအစိုးရအဖွဲ့များ အမှတ်ရသွားမလား၊ သမ္မတကြီးများ အရမ်းအမှတ်တွေ တက်သွား မလားဆိုတဲ့ဆိုတဲ့ဟာတွေ၊ ဒီပြုပြင်ပြောင်းလဲရေးကြောင့် ငါတို့ရဲ့ စီးပွားရေး၊ ဒါမှမဟုတ် ကိုယ်မျှော်မှန်းထား တဲ့ အနာဂတ်နိုင်ငံရေး အခြေအနေတစ်ခုကိုများ ထိခိုက်နစ်နာမှု ရှိမလားဆိုတဲ့ စိုးရိမ်စိတ်တွေပဲဖြစ်ဖြစ်၊ အတ္တစိတ်တွေပဲဖြစ်ဖြစ် ပူးပေါင်းဆောင်ရွက်မှု အားနည်းတာ၊ သွားနေတဲ့အရှိန်လျှော့အောင်လုပ်တာမျိုးတွေ လည်းရှိတာပေါ့ဗျာ။

ဒါ ကျွန်တော်ကတော့ ပုဂ္ဂိုလ်အဖွဲ့အစည်း နာမည်တော့ တပ်မပြောချင်ပါဘူး။ ဒါတွေက လူတွေ ပြောဆိုလုပ်ကိုင်နေတဲ့ဟာတွေ ကြည့်လိုက်မယ်ဆိုရင် သိနိုင်ပါတယ်။

——————————————————————————————
မကြာသေးခင်က လွတ်ငြိမ်းချမ်သာခွင့်နဲ့ ပြန်လွတ်လာတဲ့ ဦးနေ၀င်းရဲ့ မြေးနှစ်ဦးကို ဘာကြောင့်အခုမှ လွှတ် လိုက်တာလဲ။ သူတို့လွတ်လာပြီး အစိုးရအဖွဲ့နဲ့ ပတ်သက်တဲ့ ပြောဆိုချက်တွေကို ဘာပြောချင်သလဲ။

ပထမဦးဆုံးကတော့ နိုင်ငံရေးအကျဉ်းသားစိစစ်ရေးကော်မတီရဲ့ ထောက်ခံချက် အပေါ်မူတည်တာပေါ့။ သမ္မတကြီးရဲ့ မူလရည်ရည်ရွယ်ချက်ကိုကလည်း နိုင်ငံရေးလုပ်ငန်းစဉ်မှာ အားလုံးပါဝင်နိုင်စေချင်တယ်။ နောက်တစ်ခါ ထိုက်သင့်တဲ့ ပြစ်ဒဏ်ခတ်ထားပြီးသား လူတစ်ယောက်လည်းဖြစ်မယ်။ ပုဂ္ဂိုလ်တစ်ဦး တစ်ယောက်ကို နစ်နာစေတဲ့ အမှုမဟုတ်ဘူးဆိုရင် နိုင်ငံရေးအကျဉ်းသားများ စိစစ်ရေးကော်မတီက သတ် မှတ်ပေးရင် လွှတ်လိုက်တာပေါ့။ ဒီသဘောပါပဲ။ ပုဂ္ဂိုလ်အပေါ်မှာ မူတည်ပြီးတော့ လုပ်တာမဟုတ်ပါဘူး။ ဒါကတော့ ပထမပိုင်းပေါ့။

ဒုတိယပိုင်းကတော့ ခင်ဗျားတို့ပြောနေတဲ့အတိုင်းပဲ ဦးအေးနေ၀င်းတို့၊ ဦး ကျော်နေ၀င်းတို့ ပြောနေတာ ကျွန်တော်လည်းဖတ်ရပါတယ်။ အထဲမှာ အကြာကြီးနေခဲ့ရတော့ လူတစ် ယောက်က စိတ်လှုပ်ရှားမှုတွေများနေတာပေါ့။ စိတ်လှုပ်ရှားမှုတွေများတဲ့အတွက် သူတို့ပြောတာ လွဲနေတာ လေးတွေ ရှိတယ်။ ဒါတော့ အပြစ်မတင်လိုဘူး။ သူတို့စိတ်တွေတည်ငြိမ်သွားတဲ့အခါမှာ လက်ရှိနိုင်ငံရေး အခြေအနေကို သေချာသုံးသပ်နိုင်တဲ့အချိန်ကျတော့ ဒီထက်ပိုကောင်းတဲ့၊ ခိုင်မာတဲ့ပြောဆိုချက်တွေ ထွက် မယ်လို့ ထင်တာပေါ့။ အခုအချိန်ကြတော့ စိတ်လှုပ်ရှားမှုတွေ ထွက်မယ်လို့ များနေတယ်။ ကိုယ့်ကို ကာကွယ်ချင်တဲ့စိတ်က များနေတယ်လို့ထင်ပါတယ်။
——————————————————————————————–

သူရဦးရွှေမန်းရဲ့ သမ္မတနဲ့ ပတ်သက်ပြီး ပြောဆိုချက်တွေ၊ ဦးခင်အောင်မြင့်ရဲ့ သမ္မတအပေါ် သုံးနှုန်းတဲ့ အသုံးအနှုန်းတွေ၊ အစိုးရဘက်ကိုသုံးနှုန်းတဲ့ အသုံးအနှုန်းတွေနဲ့ ပတ်သက်ပြီး ဦးရဲထွဋ် တုံ့ပြန်ပြောဆိုထား တာရှိပါတယ်။ အဲဒီအပေါ် သမ္မတရဲ့ ပြောရေးဆိုခွင့်ရှိသူတစ်ယောက်အနေနဲ့ ဘယ်လိုသုံးသပ်ချင်ပါသလဲ။

အစိုးရသစ်လက်ထက်မှာ ဒီမိုကရေစီစနစ်ပြောင်းလဲကျင့်သုံးတယ်။ လူတွေက လွတ်လပ်စွာ ပြောဆိုခွင့်ရှိ တယ်ဆိုတော့ မီဒီယာတွေအပေါ်မှာရော၊ လွှတ်တော်အတွင်းမှာပါ ပြောဆိုကြတာတွေ ရှိပါတယ်။ ပြောဆို တဲ့ အကြောင်းအရာတွေကိုတော့ ကိုယ်ပိုင်သဘောဖြစ်တဲ့အတွက် ကျွန်တော်မပြောလိုပါဘူး။

သို့သော် အသုံးအနှုန်းနဲ့ ဆွေးနွေးတဲ့အကြောင်းအရာ အတိမ်အနက်ကတော့ တစ်ဦးချင်းရဲ့ရင့်ကျက်မှုနဲ့ သက်ဆိုင်ရာ ဘာသာရပ်ပေါ် နားလည်မှုအပေါ်မူတည်ပြီးတော့ ကွဲပြားမှုတွေရှိတယ်လို့ထင်တယ်။

လွှတ်တော်ထဲမှာလည်း လွှတ်တော်နည်းဥပဒေ၊ ဥပဒေတွေအရ၊ ပုတ်ခတ်စော်ကားရာကျတဲ့ အပြုအမူမျိုး၊ နောက်တစ်ခါအဖွဲ့အ စည်းတစ်ခု၊ ဘာသာတစ်ခု၊ လူမျိုးတစ်ခုကို ပုတ်ခတ်ပြောဆို ကျတာမျိုးတွေ မပြောရဘူးဆိုပြီး ဥပဒေတွေ လည်းရှိပါတယ်။

ဒါတွေရှိသည်ဖြစ်စေ၊ မရှိသည်ဖြစ်စေပါ၊ ခင်ဗျားတို့ ကျွန်တော်တို့သာမန်လောကမှာ တောင်မှ လူတစ်ထောက်နဲ့ တစ်ယောက် ပြောလို့ရှိရင် တစ်ယောက်ရဲ့ ဂုဏ်သိက္ခာအပေါ်မှာ တစ်ယောက် အလေးထားပြီးတော့ ပြောရတယ်။ အဲဒီလိုတောင်ရှိတယ်ဆိုတော့ မီဒီယာအပေါ်မှာ ပြောပြော၊ ပိုပြီးတော့ သတိထားသင့်တယ်လို့ ထင်တယ်။

ဘာဖြစ်လို့လဲဆိုတော့ မြန်မာစကားဟာ အင်မတန်မှ စကားလုံးကြွယ် ၀တဲ့ ဘာသာပါ။ လူတစ်ယောက်ရဲ့ ချို့ယွင်းအားနည်းချက်ကို ထောက်ပြချင်တယ်ဆိုရင် ညင်ညင်သာသာ သိမ်သိမ်မွှေ့မွှေ့နဲ့ ထောက်ပြလို့ရတဲ့ စကားလုံးတွေ အများကြီးရှိပါတယ်။ ပြင်းထန်စူးရှတဲ့ စကားလုံးတွေ အများကြီးရှိပါတယ်။ ပြင်းထန်စူးရှတဲ့ စကားလုံးတွေခံရသူရဲ့ ရာထူးအဆင့်အတန်းနဲ့ မကိုက်ညီတဲ့ အခါမျိုး တွေမှာ သုံးဖို့မလိုဘူးလို့ ထင်ပါတယ်။ ဒါတွေမသုံးဘဲနဲ့လည်း ထိရောက်တဲ့ပြောဆို ဆွေးနွေးမှုတွေ လုပ်လို့ ရတယ်လို့လည်း ကျွန်တော်ယုံကြည်တယ်။

ကျွန်တော်သမ္မတကြီးကိုပြောလို့ ပြောတာမဟုတ်ပါဘူး။ ဘယ်သူ့ကိုပဲပြောပြော၊ အပြောခံရတဲ့လူအတွက်ရော၊ ပြောတဲ့လူအတွက်ရော၊ စိတ်ကောင်းဘူး။ ဒီလူဟာ ဒီလိုနေရာမှာ ဒီလိုတာဝန်ရောက်နေရဲ့သားနဲ့ ဒီထက်ကောင်းတဲ့ စကားလုံး မရှာတတ်ပါလားဆိုပြီး စိတ် မကောင်းဖြစ်တယ်။ အပြောခံရတဲ့လူအတွက်လည်း သူ့မှာ ဘာပဲပြောပြော ဘယ်လောက်ပဲ ရာထူးငယ်တဲ့ လူဖြစ်ဖြစ် သူ့မှာ ကိုယ်ပိုင်ဂုဏ်သိက္ခာဆိုတာ ရှိတာပါပဲ။ အဲဒီဂုဏ်သိက္ခာကို အပြောခံရတဲ့အတွက် ကျွန် တော်လည်း သူ့ကိုယ်စား စိတ်မကောင်းဘူး။

သမ္မတကြီးက ကျွန်တော့ကို ပြောရေးဆိုခွင့်ရှိသူအဖြစ်နဲ့ တာဝန်ပေးတဲ့အခါ မှာ မှာတဲ့ အချက်တွေရှိပါတယ်။

တစ်ကတော့ နိုင်ငံတော်ရဲ့ မူဝါဒတွေရယ်၊ ဖွဲ့စည်းပုံ အခြေခံဥပဒေတွေရယ်၊ ဒါတွေကို နားလည်အောင်လုပ်ပါ။ ဒီအထဲကနေပဲ ပြောပါ။

နှစ်ကတော့ အမှန်တရား နဲ့ရိုးသားမှုကို အခြေခံပါ။

သုံးကတော့ ပိုအရေးကြီးပါတယ်။ ကျွန်တော်တို့ဟာ တပ်မတော်ကနေ လာခဲ့တဲ့ လူတွေဖြစ်တယ်။ တပ်မတော်ထဲမှာကျတော့ ကျွန်တော်တို့ လုပ်ငန်းတာဝန်အရ တစ်ခါတလေမှာ ပြင်းပြင်း ထန်ထန် ပြောဆိုလုပ်ကိုင်ရတဲ့ကိစ္စတွေရှိတယ်။ သို့သော် အခုအချိန်မှာ လုပ်ငန်းသဘောသဘာဝ ပြောင်း သွားပြီ။ ဒီမိုကရေစီစနစ်မှာ ကျွန်တော်တို့သည် အုပ်ချုပ်ရေးမဏ္ဍိုင်၊ ဥပဒေပြုရေးမဏ္ဍိုင်တွေမှာ တာဝန်ထမ်း ဆောင်နေရတဲ့အတွက် ဘယ်လောက်ပဲ သေးငယ်တဲ့ စာနယ်ဇင်းသမားတစ်ယောက်ကပဲဖြစ်ဖြစ်၊ သတင်း ထောက်အငယ်လေးတစ်ယောက်ကပဲဖြစ်ဖြစ် မေးလာရင်တောင်မှ သူ့ရဲ့ ဂုဏ်သိက္ခာကို လေးစားပြီးတော့မှ ယဉ်ယဉ်ကျေးကျေးဆက်ဆံပါ။ ကိုယ်ကပြောဆိုရတယ်ဆိုပြီးတော့မှဖိဖိနှိပ်နှိပ်ပြောတာမျိုး မလုပ်ပါနဲ့လို့ မှာတာရှိပါတယ်။

ဒါကတော့ ကျွန်တော်တို့အစိုးရအမှုထမ်းတွေမဟုတ်ဘူး။ ခင်ဗျားတို့ မီဒီယာသမားတွေ ရော၊ ဥပဒေပြုလွှတ်တော် အပါအ၀င် နေရာဋ္ဌာနအသီးသီးမှာ တာဝန်ထမ်းဆောင်နေကြတဲ့ လူတွေအားလုံး သတိပြုသင့်တယ်လို့ ထင်ပါတယ်။ လိုက်နာသင့်တဲ့အချက်လို့ထင်ပါတယ်။
—————————————————————————————
အစိုးရသစ်လက်ထက်မှာ မီဒီယာတွေလွတ်လပ်လာတာနဲ့အမျှ ဝေဖန်မှုရှိတယ်။ အချင်းချင်းပုတ်ခတ်တာတွေ ရှိနေတယ်။ ကျင့်ဝတ်နဲ့မညီတဲ့ ရေးသားမှုတွေရှိလာတယ်။ အဲဒီအပေါ်မှာရော ဘယ်လိုမြင်လဲ။

ပထမဆုံးပြောချင်တာကတော့ စာနယ်ဇင်းလွတ်လပ်ခင့်ရလာတာနဲ့အမျှ လူတွေက လွတ်လွတ်လပ်လပ် ရေးလာကြတယ်။ ဒါပေမယ့် ခုနကပြောသလို သတင်းရဲ့ အရည်အသွေးနဲ့ ရေးသားတဲ့သူရဲ့ အရည်အသွေးကတော့ အမျိုးမျိုးကွာခြားတာပေါ့။

ကျွန်တော်ကတော့ ဒုတိယအချက်ကို ဘာပြောချင်လဲ ဆိုတော့ အစိုးရကို ဝေဖန်လို့ရပါတယ်။ ဒါပေမယ့် တစ်ကတော့ သတင်းအချက်အလက်က အရင်းအမြစ်က ခိုင်လုံမှုရှိရမယ်။ နှစ်က သုံးတဲ့စကားလုံးကတော့ ရပ်ကွက်ထဲမှာတောင်မှ သာမန်လူချင်းပြောရင်တောင်မှ စော်ကားတဲ့အသုံးအနှုန်းမျိုးမသုံးသင့်ဘူး။

တချို့စာနယ်ဇင်းတွေမှာ ရေးတဲ့အသုံးအနှုန်းကို ခင်ဗျားတို့ ဖတ်ကြည့်မယ်ဆိုရင် ရပ်ကွက်ထဲမှာကျန်တဲ့သူတစ်ယောက်က အဲဒီရေးတဲ့အယ်ဒီတာ သို့မဟုတ် သတင်း ထောက်ကို အဲဒီစကားလုံးမျိုးနဲ့ပြောရင်တောင် ကျွန်တော်ထင်တယ်။ သူတို့သည်းခံနိုင်မှာမဟုတ်ဘူး။ ဒါပေမယ့် အဲဒါမျိုးကို စာမျက်နှာပေါ်တင်တဲ့အခါ စာနယ်ဇင်းရဲ့ အရည်အသွေးကို ထိခိုက်တာပေါ့။ ဒါလေး တော့ မြင်တယ်။

တတိယမြင်တာကတော့ အခုချိန်မှာတော့ စာနယ်ဇင်းအများကြီးရှိလာတဲ့အခါ တကယ်စာနယ်ဇင်းကို ကျင့်ဝတ်နဲ့အညီ စတုတ္ထမဏ္ဍိုင်အဖြစ် ထုတ်ဝေနေတဲ့ သူတွေရှိသလို ကိုယ့်အကျိုးစီးပွားကို နိုင်ငံရေး၊ စီးပွား ရေးအကျိုးစီးပွားကို ကာကွယ်ပေးချင်လို့ လုပ်လာတဲ့သူတွေလည်း များလာတယ်။ ဆွမ်းဆန်ထဲ ကြွက်ချေး ရောတဲ့သဘောပေါ့။ အဲဒီကြွက်ချေးကြောင့်ပဲ။ နတ်သုဒ္ဒါထဲကို မစင်တစ်စက်ကျသလို ကျန်တဲ့သူတွေပါ ထိခိုက်မှာ ကျွန်တော်စိုးရိမ်တယ်။

ဥပမာဆိုပါတော့ဗျာ။ ဒီကနေ့ စီးပွားရေးလုပ်ငန်းရှင်တွေ၊ ခရိုနီတွေကို တိုက်ခိုက်နေတယ်လို့ ပြောပေမယ့် တချို့စီးပွားရေးလုပ်ငန်းရှင်တွေကို ခရိုနီလို့ ကျွန်တော်တို့ သိနေတဲ့ သူတွေကို ဘေးချိတ်ထားတယ်။ ဝေဖန်မှုမရှိဘဲ ဘေးဖယ်ချန်ထားတာလည်းရှိတယ်။ ဘာကြောင့်လည်း တော့ ကျွန်တော်မသိဘူး။

ဥပမာဆိုပါတော့၊ တချို့ ၀န်ကြီးတွေရှိတယ်။ ဟိုးအရင်အစိုးရလက်ထက်က ၀န်ကြီးတွေ၊ ကျွန်တော်တို့အစိုးရအသစ်ကို မပြောင်းခင်အထိ အဲဒီဝန်ကြီးဌာနနဲ့ အဲဒီဝန်ကြီးကို အင်မတန်မှ စီမံကိန်းတွေကို ငွေတွေ ဘုန်းပေါလအောနဲ့လုပ်ခဲ့တယ်။ မလိုလားအပ်ဘဲနဲ့ စီမံကိန်းတွေကို လုပ်တယ်။ အကျိုးမရှိဘူး။ ခဏနေရင် ပုဂ္ဂလိကပိုင်ပြန်လွှဲလိုက်လို့ ဝေဖန်ခံရတဲ့ ၀န်ကြီးတွေရှိတယ်။

ဒါပေမယ့် ဒီခေတ် ကျတော့ လွတ်လွတ်လပ်လပ်ဝေဖန်လို့ရတဲ့အချိန်ကျတော့ အဲဒီဝန်ကြီး လုပ်ဆောင်ခဲ့တဲ့ဟာတွေအားလုံး ဘယ်သူမှ ပြန်ပြီးတော့ မပြောတော့တွေလည်း ကျွန်တော်သတိပြုမိတယ်။ မေ့နေလို့မပြောတာလား၊ ပြောစရာမရှိလို့မပြောတာလား၊ ဘာကြောင့်မပြောတာလဲတော့ ကျွန်တော်လည်း မစဉ်းစားတတ်ဘူး။

ဒါပေမယ့် ဒါမျိုးတွေက ကျွန်တော်ပြောသလိုပေါ့။ လူတွေမှာ သံသယဖြစ်စရာဖြစ်တတ်တယ်။ ဖြစ်တဲ့အခါ ကျတော့ ကျွန်တော်တို့စာနယ်ဇင်းတွေမှာ မှန်မှန်ကန်ကန်လုပ်တဲ့ စာနယ်ဇင်းတွေကို ဂုဏ်သိက္ခာ ထိခိုက် တာပေါ့။ ကျွန်တော်တို့ကလည်း ဒါကိုမပြောချင်ဘူး။ ပြောရင် ကျွန်တော်တို့က ပြန်ကြားရေးဝန်ကြီးဌာနက စာနယ်ဇင်းတွေကို ထိန်းချင်လို့လားလို့လည်း အပြောခံရမယ်။ ကိုယ့်အချင်းချင်း စာနယ်ဇင်းကောင်စီတို့၊ ကွန်ရက်တို့၊ သမဂ္ဂတို့ အသင်းတို့က ထိန်းရတာ ပိုကောင်းတာပေါ့။
————————————————————————————

မကြာသေးခင်က ပေါ်လာတဲ့ သတင်းဌာနတစ်ခုရဲ့ အရေးအသားတွေက ပုဂ္ဂိုလ်ရေးတိုက်ခိုက်မှုတွေများ တယ်။ ဒီလိုသတင်းဌာနတွေဟာ အစိုးရဘက်က ဒါမှမဟုတ် ပြန်ကြားရေးဝန်ကြီးဌာနဘက်က မီဒီယာတွေကို ပြန်လည်ထိန်းချုပ်ချင်လို့ဆိုတဲ့ အကြောင်းပြချက်နဲ့ လုပ်တာလို့ တချို့ဝေဖန်နေကြတယ်။

နိုင်ငံတော်အစိုးရအနေနဲ့ ချက်အောက်ကိုထိုးတဲ့အလုပ်တို့၊ လက်သီးပုန်းထိုးတဲ့အလုပ်တို့ လုပ်စရာမရှိဘူးဗျ။ ကျွန်တော်ယုံကြည်တာကို ကျွန်တော်တို့ ပွင့်ပွင့်လင်းလင်းပြောမှာပဲ။ သမ္မတကြီးဆိုရင် သူကိုယ်တိုင်တောင် မှ ရေဒီယိုမိန့်ခွန်းနဲ့ ပြည်သူကို ထိတွေ့နေတာပဲ။

ကျွန်တော်တို့က လူတစ်ယောက်ကို ပိုက်ဆံပေးပြီးတော့ ထုတ်ခိုင်းစရာအကြောင်းမရှိဘူး။ ကျွန်တော်တို့မှာ ဘာမှ ဖုံးကွယ်ထားစရာအကြောင်းလည်းမရှိဘူး။ ကျွန်တော်တို့ဟာ ပွင့်လင်းမြင်သာမှုရှိရှိနဲ့ အလုပ်လုပ်နေတာ။ ကျွန်တော်တို့တော့ လုပ်စရာအကြောင်းမရှိ ဘူး။

အခုလုပ်နေတဲ့သူတွေက အကျိုးစီးပွားဖော်ဆောင်ချင်တဲ့သူတွေ၊ ဟိုတုန်းက ကိုယ့်အကြောင်းကို ကိုယ်ပြန်ပြီးတော့ ကာကွယ်ချင်တဲ့သူတွေ လုပ်တာလို့ပဲ ကျွန်တော်တော့ထင်တယ်။ ဒါတွေခင်ဗျားတို့ ပိုသိ မှာပါ။

ဘယ်သူတွေနောက်မှာ ဘယ်သူတွေရှိနေတယ်ဆိုတာ၊ ဘယ်သူ့အကြောင်းတွေ ပြောဖို့ကျန်နေ သေးလဲဆိုတာ၊ ဘယ်အကြောင်းတွေအပြောခံနေရလဲဆိုတာ ခင်ဗျားတို့အသိပဲ။ ခင်ဗားတို့ကိုယ်တိုင်ရော၊ ခင်ဗျားတို့ ဝေဖန်တဲ့နေရာမှာ အစိုးရအဖွဲ့ကိုဝေဖန်မယ်ဆိုရင် ပိုပြီးတော့ လွယ်လွယ်ကူကူဝေဖန်ပြီးတော့ ဘယ်သူတွေကိုဝေဖန်ဖို့ကျတော့ လက်တွန့်တယ်ဆိုတာ ခင်ဗျားတို့စဉ်းစားကြည့်။
—————————————————————————————–
၂၀၁၅ သမ္မတနေရာကိစ္စနဲ့ ပတ်သက်ပြီးတော့ရော သမ္မတရဲ့ ပြောရေးဆိုခွင့်ရှိသူတစ်ယောက်အနေနဲ့ ဘာများ ပြောချင်လဲ။

ကျွန်တော်တို့လည်း ပြောခဲ့ပြီးပါပြီ။ သမ္မတကြီးအနေနဲ့ ၂၀၁၅ ထက် လက်ရှိကို ပိုစိတ်ဝင်စားတယ်လို့ ပြောထားတာရှိတယ်လေ။

အချက်သုံးချက်ရှိတယ်။ ပြည်တွင်းငြိမ်းချမ်းရေးဖော်ဆောင်ဖို့၊ စီးပွားရေးဖွံ့ဖြိုး တိုးတက်ဖို့၊ လူငယ်တွေအတွက် ကောင်းမွန်တဲ့ အနာဂတ် ဒါတွေကိုပဲ ကျွန်တော်တို့ ရည်ရွယ်ပြီးလုပ်နေ တယ်။

၂၀၁၅ ဆိုတာ အဝေးကြီးလိုသေးတယ်။ အနောက်နိုင်ငံရဲ့ နိုင်ငံရေးလောကမှာ ပြောနေကျစကားရှိ တယ်။ နိုင်ငံရေးမှာ တစ်ပတ်ဆိုတာ အတော်ကြာတယ်။ တစ်ပတ်အတွင်းမှာ အရာရာပြောင်းလဲသွားနိုင် တယ်။ အဲဒီတော့ ၂၀၁၅ ဟာ အဝေးကြီးလိုသေးတယ်။ ဒါကြောင့်မလို့ သမ္မတကြီးက ဒီကိစ္စကို လုံးဝမစဉ်း စားနိုင်သေးတာ။

နှစ်ကတော့ ခင်ဗျားတို့ ၂၀၁၅ မှာ ငါဘာလုပ်မယ်၊ ငါ့ကိုအဲဒီအခါကျရင် လူတွေဘယ်လို မြင်စေချင်တယ်ဆိုတဲ့ စိတ်ရှိလို့ရှိရင် ခင်ဗျားဆုံးဖြတ်တဲ့ ခင်းဗျားလုပ်ရတဲ့ အလုပ်တွေက ခင်ဗျားစိတ်ရှင်း မှာ မဟုတ်တော့ဘူး။ ဟုတ်တယ်မလား။

တချို့ဟာတွေက ဒီအချိန်မှာ လူကြိုက်နည်းနေပေမယ့် ရေရှည် မှာ အကျိုးရှိစေတဲ့ ကိစ္စရပ်တွေရှိတယ်။ အဲဒါမျိုးတွေ ခင်ဗျားတို့လုပ်တဲ့အရာရာ အားလုံးကို ၂၀၁၅ ဆိုတဲ့ ပေတံနဲ့သာတိုင်းပြီး အလုပ်လုပ်လို့ရှိရင် အဲဒီအချိန်မှာ ဆုံးဖြတ်လိုက်တာတွေဟာ ပြည်သူ့အကျိုးစီးပွား အတွက်မဟုတ်တော့ဘဲ ကိုယ့်ရည်မှန်းချက်အတွက် ကိုယ့်အဖွဲ့အစည်းအကျိုးအတွက် မျှော်မှန်းပြီး ဆုံးဖြတ် တာမျိုးတွေဖြစ်လာနိုင်တယ်။ Political play တွေဖြစ်လာနိုင်တယ်။
အဲဒါဆိုရင် ကျွန်တော်တို့ရဲ့ ပြုပြင်ပြောင်းလဲရေးလုပ်ငန်းစဉ်က ဘယ်မှန်ကန်တော့မလဲ။

ပြုပြင်ပြောင်းလဲ ရေးလုပ်တယ်ဆိုကတည်းက အများကြိုက်တာလည်း ဖြစ်ရင်ဖြစ်မယ်။ လက်ရှိ အများမကြိုက်ပေမယ့် ရေရှည်မှာ အကျိုးရှိတဲ့ဟာတွေလည်း ရှိတယ်။ ဒါတွေကိုလုပ်တဲ့နေရာမှာ ကျွန်တော်တို့က အစိုးရစိတ် ရှင်းရှင်းနဲ့စိတ်သန့်သန့်နဲ့ လုပ်နိုင်ဖို့လိုပါတယ်။

ဒါကြောင့်မို့လို့ သမ္မတကြီးက အခုအချိန်မှာ ဒီအချက် သုံး ချက်ကိုပဲ သူအာရုံစိုက်တယ်လို့ ပြောနေတာဖြစ်ပါတယ်။

နောက်တစ်ခုကတော့ ဖွဲ့စည်းပုံအခြေခံဥပဒေ အရ ခင်ဗျားသေလောက်အောင်ဖြစ်ချင်နေပေမယ့်လည်း လွှတ်တော်နှစ်ရပ်က အဆိုမပြုဘူးဆိုရင်၊ တပ်မတော က အဆိုမပြုဘူးဆိုရင် ဘယ်လိုမှ သမ္မတလောင်း မဖြစ်နိုင်တော့ဘူး။ အဲဒါကြောင့် ဒီလိုဟာမျိုးတွေကို သွားပြီးတော့ မျှော်မှန်းပြီးတော့မှ လုပ်ကိုင်နေမယ် ပြောဆိုနေမယ့်အစား သမ္မတကြီးကတော့ လက်တွေ့ကျ တဲ့ အချက်သုံးချက်ကိုပဲ ဖော်ဆောင်နိုင်ဖို့ လုပ်နေပါတယ်။
——————————————————————————————–
သမ္မတရဲ့ အနီးကပ်ဆုံး ပြောရေးဆိုခွင့်ရှိသူအနေနဲ့ရော၊ ပြန်ကြားရေး ဒုတိယ၀န်ကြီးတစ်ယောက်အနေနဲ့ ရော အစိုးရအဖွဲ့နဲ့ လွှတ်တော်ကြား ထဲမှာ ဖြစ်နေတဲ့အဖြစ်ကို မြင်တဲ့အမြင်လေး သိချင်ပါတယ်။

ပထမကတော့ ကျွန်တော် သမ္မတရဲ့ ပြောရေးဆိုခွင့်ရှိသူ၊ နောက်ပြန်ကြားရေး ဒုတိယ၀န်ကြီးအနေနဲ့ ဖြေပါ့မယ်။ ဒီကနေ ကျွန်တော်တို့လည်း ဖတ်နေရတာပေါ့ဗျာ။ အစိုးရနဲ့ ဒီအုပ်ချုပ်ရေးမဏ္ဍိုင်နဲ့ ဥပဒေပြု မဏ္ဍိုင်ကြား ဖြစ်နေတဲ့ကိစ္စတွေသည် ပဋိပက္ခသဘောမျိုးရေးနေကြတာပေါ့။

ဒါကလည်း ဘာကြောင့်ရေးလဲ ဆိုတော့ ကျွန်တော်တို့နိုင်ငံက လွတ်လပ်ရေးရတာနဲ့ တစ်ချိန်လုံး ပဋိပက္ခတွေပဲ ဖြတ်သန်းလာရတဲ့ အခါကျ တော့ လူတွေကလည်း သဘောမတူကွဲပြားမှုတစ်ခုတွေ့တာနဲ့ ဒါကိုပဋိပက္ခပဲ ကျွန်တော်တို့ ပြောနေတာပေါ့။

ဒီမိုကရေစီ အဖွဲ့အစည်းတစ်ခုမှာတော့ ဒီသဘောထားကွဲပြားမှု၊ အမြင်မတူမှုဆိုတာ ရှိမှာပဲ။ အရေးကြီးတာ က ဒီအမြင်မတူမတူတာ အားလုံးကို ဖွဲ့စည်းပုံအခြေခံဥပဒေနဲ့အညီ၊ နောက်တည်ဆဲဥပဒေနဲ့အညီ ဖြေရှင်းဖို့ ပေါ့။

ဒီနေရာမှာ အုပ်ချုပ်ရေးမဏ္ဍိုင်နဲ့ ပြည်သူ့လွှတ်တော် ပွတ်တော်ပွတ်တိုက်မှုတွေ ဖြစ်သလား၊ ပဋိပက္ခ ဖြစ်သလားဆိုရင်တော့ ဒါမဟုတ်ပါဘူး။ ဘာဖြစ်လို့ဆိုတကယ်တမ်းပြောရရင် အုပ်ချုပ်ရေးမဏ္ဍိုင်အနေနဲ့ ဥပဒေပြုရေးမဏ္ဍိုင်မှာ ပါဝင်နေတဲ့ လွှတ်တော်ကိုယ်စားလှယ်တွေအပေါ် ကျွန်တော်တို့ အများကြီး အလေး ထားပါတယ်။

ဘာကြောင့်လဲဆိုတော့ ဒီကနေ့ ကျွန်တော်တို့အစိုးရအဖွဲ့မှာ အများစုတာဝန်ယူနေတဲ့လူက လူသစ်တွေများပါတယ်။ ဟိုတချိန် အစိုးရဟောင်းလက်ထက်မှာ လုပ်ခဲ့တဲ့လူတွေ အားလုံးနီးပါးက လွှတ်တော်ထဲမှာရှိနေတာပေါ့။

ဥပမာဆိုပါတော့။ ပြည်သူ့လွှတ်တော်ဥက္ကဋ္ဌကြီး သူရဦးရွှေမန်းဆိုရင် တပ်မတော်ထဲမှာ အရင်က နယကပေါ့။ နိုင်ငံတော်အေးချမ်းသာယာရေးနဲ့ ဖွံ့ဖြိုးရေကောင်စီရဲ့ တတိယ အဆင့်အမြင့်ဆုံး ပုဂ္ဂိုလ်ဖြစ်တယ်။

ဟိုတုန်းက နိုင်လုံလို့ခေါ်တဲ့ နိုင်ငံရေးနဲ့ လုံခြုံရေးကော်မတီ အစည်း အဝေးဆို တော်ယုံတန်ယုံ ကိစ္စတွေ အားလုံးကို သူပဲဥက္ကဋ္ဌအနေနဲ့ ဖြေရှင်းတာ။ အဲဒီတုန်းက ကျွန်တော်တို့ သမ္မတကြီးက ၀န်ကြီးချုပ်အနေနဲ့ ကျွန်တော်လည်း သွားတက်ဖူးပါတယ်။ ၀န်ကြီးနဲ့ လိုက်သွားတဲ့အခါမှာ ညာဘက်မှာထိုင်ရတယ်။ အနားယူသွားတဲ့ အတွင်းရေးမှူးတစ် ဗိုလ်ချုပ်ကြီး သီဟသူရ တင်အောင်မြင့်ဦး က ဘယ်ဘယ်မှာထိုင်ပြီး Chair လုပ်ခဲ့တာဆိုတော့ ကျွန်တော်တို့အခက်ခဲလေးတွေများခဲ့တဲ့ ၂၀၀၇၊ ၂၀၀၈၊ ၂၀၀၉၊ ၂၀၁၀ မှာဆိုရင် ဗိုလ်ချုပ်ကြီး သူရဦးရွှေမန်းကိုယ်တိုင်ဦးစီးပြီး နိုင်လုံကနေပဲ ကိစ္စအားလုံးနီးပါး လောက်ကို ဖြေရှင်းဆောင်ရွက်ခဲ့တာပေါ့။ တချို့တလေလောက်ပဲ လူကြီးတွေဆီ တင်ပြတာဆိုတော့ သူ့မှာ အတွေ့အကြုံတွေ အများကြီးရှိပါတယ်။

အမျိုးသားလွှတ်တော်ဥက္ကဋ္ဌကြီး ဦးခင်အောင်မြင့် ဆိုရင် တပ်မတော်မှာ ကကပြည်ညွှန်ကြားရေးမှူးပေါ့။ သူဟာ တပ်မတော်ထဲမှာ စာအရမ်းဖတ်တယ်။ နိုင်ငံရေး အတွေးအခေါ် ပြည့်ဝတယ်ဆိုပြီး လူသိများပါတယ်။ အရင်တုန်းက သူက တပ်မတော်စည်းရုံးရေး ကော်မတီ ရဲ့ အတွင်းရေးမှူး ဖြစ်တယ်။ ဆိုတော့ ဗိုလ်ချုပ်မှူးကြီး သန်းရွှေရဲ့ မိန့်ခွန်းတွေဘာတွေတောင်မှ ဒါ ဦးခင်အောင်မြင့်က ပြုစုပေးရတယ်လို့ ကျွန်တော်တို့ နားလည်ထားခဲ့ဖူးတယ်။

နောက်တစ်ခါ သူက ယဉ်ကျေးမှုဝန်ကြီး လုပ်တဲ့အခါမှာလည်း ယဉ်ကျေးမှုဝန်ကြီးဖြစ်ပေမယ့် ခုနက ကျွန်တော်ပြောတဲ့နိုင်ငံရေး လုံခြုံရေးဆိုင်ရာ ကော်မတီမှာ သူတက်ရပါတယ်။

နောက်တစ်ခါ ကျွန်တော်တို့ တပ်မတော်ထဲမှာ ရှိတုန်းက ရော ယဉ်ကျေးမှုဝန်ကြီးအဖြစ်နဲ့ အရင်အစိုးရလက်ထက်မှာ တာဝန်ထမ်းဆောင်စဉ်ကရော၊ အဲဒီတုန်းက မြန်မာ့နိုင်ငံရေးအခြေအနေ၊ အရင်တုန်းက တပ်မတော်အစိုးရနဲ့ ဆန့်ကျင်ဘက်ဖြစ်တဲ့နိုင်ငံရေး ပုဂ္ဂိုလ်တွေ၊ အဖွဲ့အစည်းတွေအပေါ်မှာ သူ့ရဲ့သုံးသပ်ချက်တွေက အင်မတန်မှ စူးရှပြီးတော့ ထက်မြက်ခဲ့တာရှိတယ်။

နောက်တစ်ခါ အမျိုးသားညီလာခံကျင်းပရေးကော်မတီမှာလည်း တွဲဘက်အတွင်းရေးမှူးအဖြစ် ဆောင်ရွက် ခဲ့တာပါ။

နောက်တစ်ခါ အောက်ကို ဆင်းကြည့်လိုက်မယ်ဆိုရင် ၀န်ကြီးဦးအောင်သောင်းတို့လို စီမံကိန်း ကြီးတွေ အများကြီးကို တာဝန်ယူခဲ့ရတဲ့ ၀န်ကြီးတွေလည်း အဲဒီမှာရှိတယ်။ ပညာရေး ကျန်းမာရေးကဏ္ဍ တွေ၊ လျှပ်စစ်ကဏ္ဍတွေကို တာဝန်ယူခဲ့တဲ့ဝန်ကြီးအများစုက လွှတ်တော်ကိုယ်စားလှယ်ထဲမှာရှိပါတယ်။

အဲဒီအောက်ကို ဒုတိယ၀န်ကြီးအဆင့်ဆင်းလိုက်ရင် ဟိုတုန်းက ဒုတိယ၀န်ကြီးအဖြစ်နဲ့ တာဝန်ယူသွားတဲ့ ဦးမျိုးမြင့်တို့ပေါ့။ သူဆိုရင် ဆည်မြောင်းရော၊ လျှပ်စစ်ရော နှစ်ခုလုံးမှာ ဒုတိယ၀န်ကြီးလုပ်ခဲ့တာ။ အဲဒီတုန်း က စီမံကိန်းကြီးတွေ အကြီးအကျယ် အရမ်းလုပ်နေခဲ့တဲ့ အတွေ့အကြုံတွေသူ့ဆီမှာ ရှိတယ်။

ဦးသူရိန်ဇော်တို့ဆိုရင် ဟိုတုန်းက အမျိုးသားစီမံကိန်းနဲ့ စီးပွားရေးဖွံ့ဖြိုးတိုးတက်ရေး ၀န်ကြီးဌာနက ပုဂ္ဂလိ က ပိုင်ပြုလုပ်ရေး လုပ်ခဲ့တဲ့လူတွေပေါ့။

အောက်ဘက်ကို တစ်ခါပြန်ဆင်းလိုက်ရင် တွေ့ပါလိမ့်မယ်။ ကျွန်တော်တို့ ဒီကနေ့ အများဆုံးဆွေးနွေးတဲ့ ဦးအေးမောက်ဆိုရင် စက်မှုဝန်ကြီးဌာနမှာ ဦးအောင်သောင်း လက်အောက်မှာ စီမံကိန်းလုပ်ခဲ့တဲ့ ညွှန်ချုပ်တွေ။ ကျွန်တော်က အဲဒီတုန်းက ဒုတိယညွှန်ကြားရေးမှူးချုပ်ပဲ ရှိသေးတယ်။ ဦးမောင်တိုးဆို ပုလဲမှာ ဦးဆောင်ညွှန်ကြားရေးမှူးအဖြစ်နဲ့ အကြာကြီး လုပ်ခဲ့တဲ့လူတွေပေါ့။

ဒီလိုလူတွေ၊ ဒါကတော့ ပြည်ခိုင်ဖြိုးဘက်ကလာခဲ့တဲ့ လူတွေပေါ့။ ဒီလူတွေ အများစုက အရင်အစိုးရ လက်ထက်မှာ ဒီစီမံကိန်းတွေပဲလုပ်တာ။

ကျွန်တော်တို့ခေတ်ကျတော့ ကျွန်တော်တို့သည် တကယ်ပြောရ ရင် အစိုးရသစ်လက်ထက်မှာ မြေတစ်ဧကမှ မသိမ်းဖူးဘူး။ စီမံကိန်းအသစ်ကြီးလည်း ကျွန်တော်တို့ လုပ်တာမရှိသေးဘူး။ မပြီးသေးတဲ့ စီမံကိန်းတွေ ပြီးအောင်လုပ်ဖို့၊ နောက်တစ်ခါ ရှိနေတဲ့ စီမံကိန်းတွေရဲ့ ပြဿနာတွေကို ဖြေရှင်းဖို့လုပ်တယ်။

အဲဒီလိုလုပ်တဲ့ အခါမှာ ခုနက ကျွန်တော်ပြောသလို အဲဒီစီမံကိန်းတွေ ကို မူဝါဒချမှတ်တဲ့အပိုင်းမှာ ပါခဲ့တဲ့သူတွေ ကိုယ်ကိုကိုင် အကောင်အထည်ဖော်ခဲ့တဲ့သူတွေက သူတို့ ကိုယ်တိုင်လုပ်ခဲ့တာကို။ အဲဒီတော့ သူတို့မှာ အတွေ့အကြုံတွေရှိမယ်။ သူတို့ အဲဒီတုန်းက ဘာကြောင့် လုပ်ခဲ့ရတယ်။ ဘာတွေလုပ်ချင်ရက်နဲ့ မလုပ်ခဲ့ရဘူး။ ဘာတွေ သူတို့ အခက်အခဲဖြစ်ခဲ့ရလဲဆိုတာတွေ အတွေ့အကြုံတွေရှိတယ်။

ဒါကြောင့် ဦးမျိုးမြင့်ဆိုရင် စီမံကိန်းကြီးတွေမှာ ငွေကြေးဘယ်လိုထားသင့်တယ် ဆိုတာ ပြောနေတာမျိုးတွေရှိတယ်။ ဆိုလိုတာက သူတို့ကိုယ်တိုင်လုပ်ခဲ့တဲ့ ကိစ္စ၊ သူတို့မှာ သင်ခန်းစာတွေ အတွေ့အကြုံတွေရှိတော့ သူတို့ ပြောတဲ့ဟာတွေမှန်သမျှကို ကျွန်တော်တို့ဘက်က အများကြီး အလေးထား ပြီး နားထောင်ပါတယ်။

တစ်ဘက်ကလည်း သူတို့ဖြတ်သန်းခဲ့တဲ့ အခြေအနေနဲ့ ကျွန်တော်တို့သွားတဲ့ အခြေအနေမှာကွဲပြားနေတာရှိတော့ ကျွန်တော်တို့ကလည်း ပြန်တင်ပြစရာရှိတာ ပြန်တင်ပြတာပေါ့။

ဆိုချင် တာက သူတို့ရဲ့ အတွေ့အကြုံတွေ သူတို့လုပ်ခဲ့တဲ့ ကိစ္စတွေပါပဲ။ ဒီအပေါ်မှာ ရထားတဲ့ သူတို့အတွေ့အကြုံ တွေကို ကျွန်တော်တို့က အလေးထားပါတယ်။ ဒါကြောင့်မို့လို့ ပဋိပက္ခ ဖြစ်တယ်ဆိုတာ မဟုတ်ပါဘူး။

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s