ANP ပါတီ ဖွဲ့စည်းပုံအတွက် ALD ကိုယ်စားလှယ်အဖွဲ့ စစ်တွေသို့ထွက်ခွာ-ARAKAN TIMES

ANP ပါတီ ဖွဲ့စည်းပုံအတွက် ALD ကိုယ်စားလှယ်အဖွဲ့ စစ်တွေသို့ထွက်ခွာ

ရခိုင်ပြည် စစ်တွေမြို့ရှိ ရခိုင်ဒီမိုကရေစီအဖွဲ့ချုပ်ရုံး၌ ဇူလိုင်လ ၁၆ ရက်နေ့တွင် ရခိုင်အမျိုးသားပါတီ(ANP) ဖွဲ့စည်းပုံအသစ်အတွက် ရခိုင်းတိုင်းရင်းသားများ တိုးတက်ရေးပါတီ (RNDP)နှင့် တွေ့ဆုံဆွေးနွေးရန် ရခိုင်ဒီမိုကရေစီအဖွဲ့ချုပ် (ALD) မှ ကိုယ်စားလှယ်အဖွဲ့ ရန်ကုန်ကနေ စစ်တွေမြို့သို့ ယနေ့ထွက်ခွာသွားပြီဖြစ်ကြောင်း သိရသည်။

” အခု ရန်ကုန်က ရခိုင်ဒီမိုကရေစီအဖွဲ့ဝင် ကိုယ်စားလှယ်တွေ စစ်တွေကို ဒီနေ့ထွက်သွားကြပါတယ်။ မနက်ဖြန် ၁၆ ရက်နေ့တွင် ရခိုင်ဒီမိုကရေစီ အဖွဲ့ချုပ်ရုံးမှာ နောက်ဖြစ်ပေါ်လာမဲ့ ပါတီအသစ် (ANP) ပါတီအတွက် ဖွဲ့စည်းပုံ ရည်ရွယ်ချက်တွေကို ရေးဆွဲဖို့ ဖြစ်ပါတယ်။ ” ဟု ALD ဥက္ကဌ ဦးအေးသာအောင်က ပြောသည်။

1000849_554192671303877_1798555357_n

ဆက်လက်ပြီး သူက ” အဓိက မူဝါဒ တစ်ခုအနေနဲ့ကတော့ လူမျိုးကို အခြေခံသော ပြည်နယ်များဖြင့် ဖက်ဒရယ်ပြည်ထောင်စုကို ဖွဲ့စည်းဖို့ဆိုတဲ့ မူကတော့ နှစ်ပါတီသဘောတူပြီး ဖြစ်ပါတယ်။ နောက်ထပ် ပါတီရဲ့ မူဝါဒ၊ ဖွဲ့စည်းပုံနဲ့ ပတ်သက် ပြီးတော့ ပါတီနှစ်ခုမှာ ရှိနေကြတဲ့ မူဝါဒတွေ ဖွဲ့စည်းပုံတွေကို သုံးသပ်ပြီးတော့ အကောင်းဆုံးဆိုတာကို အဲဒီအထဲက ကောက်ယူပြီးတော့ ရေးဆွဲဖို့ ဖြစ်ပါတယ်။ ” ဟု ဆိုသည်။

အဆိုပါ ကိုယ်စားလှယ်အဖွဲ့ကို ဦးကျော်မြင့်က ဦးဆောင်ပြီး ကိုယ်စားလှယ်အဖွဲ့ဝင် ငါးဦးဖြင့် လွှတ်လိုက်ကြောင်း သူက ဆက်ဆိုသည်။

” ALD ဖက်ကတော့ ဦးကျော်မြင့် ဦးဆောင်ပါတယ်။ နောက်ပြီးတော့ ဦးလှမြင့်၊ ဦးထွန်းကျော်၊ ဦးမျိုးကျော်၊ ဦးဘကျော် ပါပါတယ်။ ဒီဖက်ကတော့ ငါးယောက်ပဲ ဖြစ်ပါမယ်။ အတွင်းရေးမှူးက ကျောက်ဖြူကို ပါတီကိစ္စနဲ့ သွားစရာရှိလို့ ကျောက်ဖြူကိုပဲ လွှတ်ရပါတယ်။ ငါးယောက်ပဲ သွားကြပါတယ်။ ” ဟု ပြောသည်။

Arakan times

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s