ဦးဝေဖြိုးအောင်သည် အဖွဲ့အစည်းတစ်ခုက ဆောင်ရွက်သည့် ရေရှည် တည်တံ့မည့် ဖွံ့ဖြိုးတိုးတက်မှု အလုပ်ရုံဆွေးနွေးပွဲတွင် ပါဝင်ကူညီရန် ပြည်မြို့သို့ ခေတ္တရောက်ရှိစဉ် ဇူလိုင်လ ၁၀ ရက်နေ့က ၂၀၁၁ ခုနှစ်အတွင်း ကျူးလွန်ခဲ့သည့် ပြစ်မှုကြွေးကျန် အတွက်ဟုဆိုကာ ပြည်မြို့အမှတ် (၁) ရဲစခန်းက ထိန်းသိမ်းထားခြင်း ဖြစ်သည်။
အဆိုပါကိစ္စနှင့် ပတ်သက်၍ ပြည်မြို့ အမှတ် (၁) ရဲစခန်းကို ဆက်သွယ်မေးမြန်းရာ ၁၉၆၂ ပုံနှိပ်ဥပဒေ ဆိုင်းငံ့ထားသည်ကို မိမိတို့ထံ တစ်စုံတစ်ရာ ညွှန်ကြားထားခြင်း မရှိကြောင်း တာဝန်ကျ ရဲအရာရှိက ပြောကြားသည်။
ထို့အတွက် ဦးဝေဖြိုးအောင်ကို ဇူလိုင်လ ၁၂ ရက်တွင် အထက်ပါ ဥပဒေပုဒ်မ ၁၇ (၁) အရ ထုတ်ဝေခွင့် ကန့်သတ်ထားသည့် စာရွက်စာတမ်းများ ပုံနှိပ်ဖြန့်ချိမှုဖြင့် တရားစွဲဆိုမည် ဖြစ်ကြောင်း ၎င်းက ဆိုသည်။
GW အဖွဲ့ အတွင်းရေးမှူး အရေးယူခံရမှုအတွက် တရားစီရင်ရေးကဏ္ဍကို ဝင်ရောက်စွက်ဖက်မည် မဟုတ်သော်လည်း တရားစီရင်ရေးမှန် မမှန်ကိုမူ စောင့်ကြည့်မည် ဖြစ်ကြောင်း လက်ကျန်နိုင်ငံရေး အကျဉ်းသားများ စိစစ်ရေးကော်မတီဝင်နှင့် နိုင်ငံရေး အကျဉ်းသားဟောင်း ဦးရဲအောင်က ပြောကြားသည်။
လတ်တလော ဦးဝေဖြိုးအောင်ကို ဖမ်းဆီး ထိန်းသိမ်းထားသည့်အပြင် ယခုနှစ်လတာ ကာလအတွင်း နိုင်ငံရေးတက်ကြွ လှုပ်ရှားသူများကို ဖမ်းဆီးမှု ပိုမိုများပြားလာကြောင်း၊ ယင်းသို့ဆောင်ရွက်မှုသည် ဒီမိုကရေစီ အပြောင်းအလဲတွင် နိုင်ငံတကာ၏ ယုံကြည်မှုကို ထိခိုက်စေနိုင်ကြောင်း GW အဖွဲ့ဝင်တစ်ဦးဖြစ်သူ ဦးမိုးသွေးက ပြောကြားသည်။ PHOTO CREDIT GENERATION WAVE
democracy for burma 