ထားဝယ်စီမံကိန်း တွင် မဂ္ဂါဝပ် ၄၀၀၀ ထုတ်လုပ်မည့် ကျောက်မီးသွေးသုံး လျှပ်စစ်ဓာတ် အားပေးစက်ရုံ
တနင်္သာရီတိုင်းဒေသကြီး ထားဝယ်ခရိုင် ရေဖြူမြို့နယ်တွင် အကောင်အထည်ဖော်လျက် ရှိသည့် ထားဝယ် အထူးစီးပွားရေးဇုန် စီမံကိန်းတွင် ကျောက်မီးသွေးသုံး လျှပ်စစ်ဓာတ်အားပေးစက်ရုံ၊ ရေနံဓာတု အခြေပြုလုပ်ငန်းနှင့် အခြားသော အလားတူလုပ်ငန်းများ ပါဝင်မည် ဖြစ်သည့်အတွက် ဒေသခံတို့၏ ကျန်းမာရေးနှင့် သဘာဝပတ်ဝန်းကျင် အပေါ် သက်ရောက်နိုင်ခြေများ ရှိနေကြောင်း သတင်းရရှိပါသည်။
အဆိုပါစီမံကိန်းကို ထိုင်းနိုင်ငံ ရှိ Italian-Thai Development Public Co.,Ltd မှလုပ်ဆောင်နေပြီး ဧရိယာသည် စတုရန်း ကီလိုမီတာ ၂၅၀ ရှိကာ နှစ်ပေါင်း ၇၅ နှစ် ၀န်းကျင် လုပ်ကိုင်မည်ဖြစ်သည်။
ဓာတုအခြေပြုလုပ်ငန်းများနှင့် ပတ်ဝန်းကျင်ထိခိုက်မှု၊ လူတို့၏ ကျန်းမာရေး ထိခိုက်မှုတို့ကို ဖြစ်ပေါ်စေသည့် လုပ်ငန်းများပါဝင်နေကာ ယင်းအနက် ကျောက်မီးသွေးသုံး လျှပ်စစ်ဓာတ်အားပေး စက်ရုံလည်း ပါဝင်မည်ဖြစ်သည်။
“ဒေသကလူတွေကတော့ ကောင်းကျိုးဆိုးကျိုးကို သိပ်မသိကြပါဘူး။ အခု ကျောက်မီးသွေးသုံး ဓာတ်အားပေး စက်ရုံပါတယ်။ လူထုကို ထိခိုက်နိုင်တယ်။ ဟောပြောပွဲတွေ ပြောစေချင်တယ်၊ သိစေချင်ပါတယ်”ဟု ထားဝယ်မြို့မှဒေသခံ ဦးစိုးသိန်းက ပြောကြားသည်။
ထားဝယ်အထူးစီးပွားရေးဇုန် သည် မြန်မာအထူးစီးပွားရေး ဇုန်ဥပဒေအမှတ် (၈/၂၀၁၁)၊ ပုဒ်မ (၄) အရ အစိုးရအဖွဲ့က သတ်မှတ်ထားသောဇုန် ဖြစ်သည်။ ယင်းဥပဒေအရ ထားဝယ် အထူးစီးပွားရေးဇုန်တွင် အဆင့်မြင့်နည်းပညာဇုန်များ၊ သတင်း အချက်အလက်နှင့် ဆက်သွယ်ရေး နည်းပညာဇုန်များ၊ ပို့ကုန်ပစ္စည်း ထုတ်လုပ်မှုဇုန်များ၊ ဆိပ်ကမ်းနယ် မြေဇုန်များ၊ ထောက်ပံ့ရေးနှင့် သယ်ယူပို့ဆောင်ရေးဇုန်များ၊ သိပ္ပံနှင့် နည်းပညာသုတေသနဖွံ့ဖြိုးတိုးတက် ရေးဇုန်များ၊ ၀န်ဆောင်မှုလုပ်ငန်းဇုန်များ၊ တစ်ဆင့်ခံ ကုန်သွယ်မှုဇုန်များ နှင့်အစိုးရအဖွဲ့ကအခါအားလျော်စွာ သတ်မှတ်သည့်ဇုန်များ ပါဝင်သည်။
“ထိုင်းနိုင်ငံက Mat Ta Phut မှာ ရပ်နားလိုက်ရတဲ့စက်ရုံတွေ မြန်မာနိုင်ငံကို ရွှေ့လာတာပါ။ အဲဒီစက်မှုဇုန်ရှိတဲ့ဒေသမှာ လေထုညစ်ညမ်းမှု၊ ရေထုညစ်ညမ်းမှုတွေ ကြုံခဲ့ရတယ်။ တခြားဒေသထက် ကင်ဆာဖြစ်ပွားမှု သုံးဆ၊ သွေးကင်ဆာဖြစ်ပွားမှု ငါးဆရှိခဲ့ပါတယ်”ဟု လေ့လာသိရှိ ထားသူ ထားဝယ်ဒေသခံ ကိုသန့်ဇင်က ပြောကြားသည်။
“ကျောက်မီးသွေးသုံး လျှပ်စစ်ဓာတ်အားပေးစက်ရုံက မဂ္ဂါဝပ် ၄၀၀၀ ထုတ်မယ်လို့ သိရပါတယ်။ စက်မှုဇုန်မှာသုံးရင် ကုန်မှာမဟုတ်ဘူး။ ထိုင်းကို ၃၀၀၀ လောက် ရောင်းမယ်လို့ သိရပါတယ်”ဟု ကိုသန့်ဇင်က ပြောကြားသည်။
ထားဝယ် အထူးစီးပွားရေးဇုန် အတွင်းဓာတုဗေဒစက်မှုလုပ်ငန်း များ၊ ရေနံဓာတုလုပ်ငန်းများ၊ အိမ် သုတ်ဆေးလုပ်ငန်းများ၊ ရော်ဘာ လုပ်ငန်းများ၊ စားသောက်ကုန်လုပ် ငန်းများ စသည်တို့ပါဝင်လုပ်ကိုင် မည်ဖြစ်ရာ ထိုလုပ်ငန်းများသည် ဓာတုပစ္စည်းများကို ပမာဏမြောက် မြားစွာ အသုံးပြုရသော စက်ရုံ၊ လုပ် ငန်းများဖြစ်သည်။ ယင်းလုပ်ငန်းများမှ ဓာတုဘေးပစ္စည်းမြောက်မြား စွာထွက်ရှိသည့်အပြင် ပတ်ဝန်းကျင် ရှိ လေထု၊ ရေထု၊ မြေထုကို ညစ်ညမ်းစေနိုင်သည့်အတွက် စနစ်တကျ စွန့်ပစ်မှုလိုအပ်နေသည်ဟု သိရသည်။
ထိုင်းနိုင်ငံအတွင်းတွင်လည်း Man Ta Phut Area ၌ ရေနံဓာတု စက်ရုံကဲ့သို့သော စက်မှုဇုန်များကြောင့် ဖြစ်ပွားနေသော ကျန်းမာရေး၊ ပတ်ဝန်းကျင်ရေးရာ ပြဿနာများ၊ ရသင့် ရထိုက်သော အခွင့်အရေးများကို တောင်းဆိုခြင်းများ၊ စက်မှုလုပ်ငန်းများကို တရားစွဲဆိုခြင်း စသော ပြဿနာများ ၂၀၁၀ ပြည့်နှစ်တွင် ဖြစ်ပွားခဲ့ကြောင်း သိရှိရသည်။
